合理使用

  「公平使用」跳轉到呢度。想搵網絡頻寬嘅公平使用，請睇「公平使用原則」。

合理使用（Fair Use）係一種知識產權概念，認為喺某啲情況之下，可以用一啲有版權嘅嘢，兼事先唔使問有版權嗰個人。「合理使用」喺美國同某啲國家，就唔止係一種概念，而且列埋入同版權有關概法例入面。

合理使用範圍包括用喺學術上、教育、寫報道、或者寫評論，咁可以唔使問過有版權持有人，自己拎嚟用，但係都唔係話就咁照抄，佢都有啲原則，例如話唔可以由頭抄到尾，最多節錄小小，同埋唔會損害作品擁有人嘅經濟利益。

有啲咁嘅例，係為咗令啲有版權嘅嘢，除咗保障響版權持有人嘅利益之外，亦都平衡返公眾利益。

國際三步檢驗標準

國際上對於合理使用嘅共識，大致係根據「三步檢驗標準」：

1. 只係限於某啲特殊情况
2. 唔可以同受保護嘅作品或者版權持有人嘅正常利益有抵觸
3. 唔可以損害作者嘅合法利益

連出去

• 同人創作、公平使用與創用