兼職

兼職，打工形式一種。兼職原意係兼任，兼做兩職位。後尾就睇成正職之外，再打多份工，以求賺多啲錢，亦叫兼差、秘撈。若果兼職好快出糧，就叫外快。現今亦指半職，即係打全職嘅半份工。今下又指啲非常職，或臨時工、散工，返下停下嘅工。

家庭主婦做家務揍細路，或者學生讀書，都當做正職，因而返工就算兼職。

兼職法例度度唔同，但一般都當係公司職工咁，受勞工法例保障。

由於機器發達，電腦先進，勞動力需求亦越來越細。好多原本要嘅人手，都畀機器替代。尤其係發達地方，原本要人手多嘅工，又轉去海外，以致少咗全職，多咗兼職。

名

英文叫part time或part-time，意謂部份時間，就一週內返嘅日數，少過正職，又或者一日內返嘅時數，少過正職。

日文叫當今叫アルバイト（讀似亞魯跛墮），短稱バイト（讀似跛墮），唔係公司正式職工嘅工。取自德文Arbeit，德文本身只係做嘢咁意思，明治時期學生拎來做暗語，後來誤用。