兩個凡是

出自維基百科,自由嘅百科全書
(由凡是派跳轉過來)
Jump to navigation Jump to search
華國鋒
鄧小平

兩個凡是係中國大陸有過嘅一種政治思想,即「凡是毛主席作出的決策,我們都堅決維護;凡是毛主席的指示,我們都始終不渝地遵循」。

經過[編輯]

1977年1月周恩來逝世一周年,汪東興指示李鑫組織寫一篇社論,將對四五天安門事件、鄧小平問題嘅注意力轉移過來。文件指嘅係《論十大關係》同埋華國鋒喺第二次全國農業學大寨會議上嘅講話。2月6號晚,中央人民廣播電台全文播放李鑫這篇社論《學好文件抓住綱》;第二天,《人民日報》刊出呢篇社論。社論最後講到:「凡是毛主席作出的決策,我們都堅決維護;凡是毛主席的指示,我們都始終不渝地遵循。」呢兩句話成為「兩個凡是」嘅經典表述。

粉碎四人幫後,就當時嘅歷史環境同埋具體工作,華國鋒等人已經開始有步驟地解決文革中嘅具體問題,並冇遵循「兩個凡是」嘅思想去解決處理工作中嘅問題。

1978年12月,中共十一屆三中全會上提出批評「兩個凡是」嘅思想,華國鋒喺會上作出解釋,當時鄧小平等人話「兩個凡是」同華國鋒有關。1980年底,華國鋒因「兩個凡是」問題辭職,逐步淡出政界。

參考[編輯]