韓國電影

出自維基百科,自由嘅百科全書
(由南韓電影跳轉過嚟)

韓國電影,係指大韓民國電影,由19世紀尾電影第一次畀人引入韓國以嚟到依家已經有百幾年歷史。1919年,金陶山拍咗韓國本土第一部電影《義理的仇討》。南韓片隨著民主化進程嘅推進喺1980年去到高峰,多咗好多新嘅人才,特別係原本嘅電影審查制度廢除咗,令韓國片嘅環境越嚟越好。1993年-2005年,韓國片喺自己市場嘅佔有率由15.9%升到去60%。2010年代,韓國片除咗多咗好多人睇之外,重接連喺好多國際電影節上面攞獎,而韓國片嘅品質同國際化水準亦都越嚟越高。