卡西姆·蘇萊曼尼

卡西姆·蘇萊曼尼（1957年 3月11號—2020年 1月3號）係一位伊朗軍官，係伊斯蘭革命衛隊聖城旅嘅指揮官。佢係伊朗最負盛名嘅人物之一，因履行到對國家嘅模範職責而獲授伊朗最高軍事榮譽：蘇發鉿（Zolfaghar）勳章。佢亦都係伊朗最受歡迎嘅人物之一，俾人睇作係「伊朗敵人嘅無私英雄」，係伊朗民眾心目中嘅「紅心指揮官」。

履歷

2000 年，蘇萊曼尼將軍得到伊斯蘭革命最高領袖任命爲聖城軍指揮官。喺佢嘅指導下，聖城軍幫巴勒斯坦加強鬥爭嚟抵抗猶太復國主義嘅佔領。

隨住原教旨主義恐怖組織伊拉克同黎凡特伊斯蘭國（ISIS）出現並佔領咗伊拉克同敘利亞嘅大片領土，伊拉克政府正式要求各國包括美國緊急幫手；不過，伊朗最近伊拉克，所以係伊朗首先提供援助。伊朗政府指名卡西姆·蘇萊曼尼將軍去帶兵擊退伊斯蘭國恐怖分子。

俾美國襲擊身亡

喺2020年1月3日，蘇萊曼尼喺美國總統當勞侵命令嘅空襲着暗殺。根據聯合國憲章第五十一條，對任何人使用武力係非法嘅，除開兩種情況：一係有聯合國安理會授權，一係自衛。不過美國嘅襲擊冇得到聯合國安理會授權，亦唔係自衛行為，呢次襲擊着認為係違反咗國際法。

伊拉克議員話呢次空襲係「公然侵犯伊拉克主權」，並通過咗一項法案，要求美軍撤離本國。伊拉克總理仲表示，美國違反咗兩國之間嘅協議。

根據國際法，美國呢次襲擊應當作係謀殺，亦都係戰爭行為嘅一個例子；襲擊作為聖城軍首領嘅國家將軍已構成對伊朗主權嘅侵犯。

聯合國法外處決、即決處決或任意處決問題特別報告員艾格尼絲·卡拉馬德（Agnes Callamard）喺 2020 年 7 月 6 日嘅報告裡頭指出，「鑑於美國迄今提供嘅證據，針對蘇萊曼尼將軍嘅目標以及造成隨行人員嘅死亡，構成任意殺戮；根據國際人權法（IHRL），美國應對此負責。」

攷