生意人

生意人（Businessperson），又叫生意佬、商人，即係做生意嘅人，通常都係透過買賣貨或者服務去搵錢。

搞生意賺到唔少錢又叫做「富商」，共產主義下叫做「資產階級、資本家」。做到富可敵國而且可控制國家經濟又可以叫做「財閥」，例如日本財閥、韓國財閥。中國清代貪污加上做私幫生意做到咁，可以有和珅。

社會地位

古代華語圈

士農工商

商人自古就係士農工商四民之一，顯示呢個對於一個社會嘅正常運作係必不可少嘅職業。但中國由於歷來人口眾多，對糧食供應嘅需求較大，因此古中國歷代王朝皆以農業為國家建立嘅根本，而從事商品運輸同交換嘅商業成為朝廷眼中嘅末業，商人嘅社會地位因此歷來唔高，朝廷多次頒布政策打壓商業，不過亦有例外^[1]^[2]。韓非子喺《五蠹》入面將商人當係社會嘅蛀蟲。「重農抑商」成為帝國嘅基本國策，歷朝統治者都或多或少有打壓商人嘅政策。西漢時，開國皇帝漢高祖曾下旨，命令商人繳納重稅、唔可以穿絲綢衣服、唔可以騎馬、後世子孫唔可以任官。高祖嘅曾孫漢武帝即位後，更曾經頒布詔令，規定商人無論登記與否，一律課重稅。唔准商人同家屬擁有土地，違者土地沒收，並充當奴隸。隋唐時，政府明令禁止商人及其子弟參加科舉考試。宋朝只允許商人中有「奇才異行者」應舉。^[3]明清時期，大航海時代來臨，中國為咗同世界競爭，放寬咗對商業嘅限制，商人地位先至得以提高^[4]，而佢哋嘅管理能力同先見之明亦帶嚟好多進步^[5]。

西方世界

貴族統治時期

古代外國商人地位亦唔高，主要以阿拉伯人同猶太人為主從事，但佢哋喺歐洲常受歧視，稅率較高，需要繳納畀皇室嘅稅比其他任何人都要多。

商人/工業革命近代

英國清教徒革命之後，商人嘅地位逐漸上升。喺美國，商人嘅地位得到咗空前嘅提高，好多人可以同時身兼政府要職，佢哋往往透過遊說團體同政治獻金干預國會同政府嘅決策；喺現代歷任美國總統中更有從政前為商人者，如川普。

睇埋

參考

呢篇生意人係仲未搞掂嘅楔位文。歡迎幫維基百科擴寫佢。

↑ 〈"士农工商"四民地位如何，司马迁的排序，出乎多数人意料_思想〉。www.sohu.com。喺2025-07-23搵到。{{cite web}}: CS1 maint: url-status (link)
↑ 〈唐宋历史变迁中的"四民分业"问题 _ 中国经济史论坛〉 (中國中文)。喺2025-07-23搵到。
↑ www.xiexingcun.com http://www.xiexingcun.com/3/0071_ts010038.htm. 喺2025-07-23搵到. {{cite web}}: Missing or empty |title= (help)
↑ "Wayback Machine" (PDF). www.mh.sinica.edu.tw. 喺2025-07-23搵到.
↑ (PDF) https://www.cuhk.edu.hk/ics/21c/media/articles/c003-199002012.pdf. {{cite web}}: Missing or empty |title= (help)CS1 maint: url-status (link)

[1] 〈"士农工商"四民地位如何，司马迁的排序，出乎多数人意料_思想〉。www.sohu.com。喺2025-07-23搵到。{{cite web}}: CS1 maint: url-status (link)

[2] 〈唐宋历史变迁中的"四民分业"问题 _ 中国经济史论坛〉 (中國中文)。喺2025-07-23搵到。

[3] www.xiexingcun.com http://www.xiexingcun.com/3/0071_ts010038.htm. 喺2025-07-23搵到. {{cite web}}: Missing or empty |title= (help)

[4] "Wayback Machine" (PDF). www.mh.sinica.edu.tw. 喺2025-07-23搵到.

[5] (PDF) https://www.cuhk.edu.hk/ics/21c/media/articles/c003-199002012.pdf. {{cite web}}: Missing or empty |title= (help)CS1 maint: url-status (link)

[1]

[2]

[3]

[4]

[5]