氣槍

氣槍（Airsoft gun）係一種槍，係靠空氣壓縮後暴脹推動子彈嘅槍。低能量嘅氣槍可以當玩具玩，而高能量嘅氣槍係有殺傷力。就算係低能量，都有可能會射傷眼。外表來睇，唔少氣槍都模仿靠火藥發射子彈嘅槍。

因為可以傷人，係軍火一類，所以私下氣槍唔係道道都可以玩。有啲地方立法係唔畀人用氣槍。

歷史

氣槍係古老嘅氣動技術嘅一個應用。最早嘅機械式氣槍嘅歷史可追溯至1580年，而家係瑞典斯德哥爾摩Livrustkammaren博物館珍藏。17世紀，.30～.51口徑嘅氣槍被使用喺狩獵中。呢啲氣槍使用氣泵來壓縮空氣，初速可達200-300m/s，亦被用喺軍事行動中。

現代嘅氣槍處於槍械管制法規嘅限制，通常動能較低，但亦有部份高動能氣槍用喺狩獵，初速通常可達330m/s，使用4.5mm鉛彈或球形金屬彈。氣槍精準度高，喺射擊比賽例如奧運會中被廣泛使用，10m係常見嘅比賽射程。

氣槍嘅動力主要有三類：彈簧-活塞、氣動同埋二氧化碳，喺氣步槍同氣手槍上都有應用。

彈簧-活塞氣槍嘅動力部分由活塞、氣缸同螺旋彈簧等組成。使用時通過壓動壓簧桿令彈簧壓縮，扣動扳機時壓縮後嘅彈簧被釋放，推動活塞喺氣缸中高速運動，並將氣缸中嘅氣體通過氣缸嘴迅速推出至槍膛，驅動彈丸前進。

呢種類型嘅氣槍槍口初速可達380m/s，超過標準聲速，但係由於鉛彈嘅空氣動力學外形導致佢速度受到激波嘅影響較為嚴重，會導致彈丸飛行穩定性下降。

原理與彈簧活塞類似，主要區別係用氣動彈簧取代螺旋彈簧。

呢種動力包括單次壓氣式，多次壓氣式同埋預充氣式。通常槍內有一個儲氣腔或者氣樽，利用槓桿活塞或者外部氣源為佢充氣。

呢類型動力通常儲存喺12g壓縮二氧化碳氣樽之中，呢種氣樽通常係一次性使用，但亦有少量可充氣式二氧化碳氣樽應用喺彩彈槍。二氧化碳氣樽嘅優點係結構簡單並且唔需要釋壓安全閥，缺點係一次性使用，成本較高，而且工作氣壓低於預充氣（PCP）動力。

呢種鉛彈嘅口徑一般為4.5mm或5.5/5.6mm，主要用喺氣步槍，成本昂貴但係精準度高。

又叫BB彈，金屬材質嘅球形彈喺美國使用較為廣泛，通常係表面鍍銅或鍍鋅嘅鋼製圓球。口徑為4.5mm。塑料材質嘅球形彈直徑一般為6mm，用呢種子彈嘅氣槍通常被稱為軟氣槍。

氣槍嘅常見口徑有以下幾種：