報紙檔

報紙檔，又叫報攤，有啲地方係一間鋪頭裏面，係主要賣報紙嘅檔攤，重會賣埋雜誌（周刊、八卦雜誌、鹹書）、有啲地方買埋煙仔、香口膠、個別包裝紙巾……

報紙擋可以響街邊、機場、火車站、酒樓門口……搵到。

喺香港澳門

賣報紙嘅小販要好早起身叠報紙，開檔。挨晚賣唔晒，又要賣「拍拖報」（兩份報紙打孖嚟賣），夜晚重係賣唔去，就要退返畀報社，叫做「回尾」。香港有啲報館唔接受回尾，咁樣報攤賣唔晒，就要自己食（倒貼），有商業風險。

香港第一個報紙檔喺1904年出現，位於山頂纜車嘅下站。香港早期嘅報紙係英文，而住半山同山頂嘅係識英文嘅西人。報紙檔出現之前，報紙由報販邊行邊叫咁賣^[1]。

香港嘅報紙檔早喺1960年代已經有規範，設計由當時一個駐守深水埗嘅警司 John Browett 草擬，後來重喺《政府憲報》正式公佈^[1]。喺60、70年代，香港市區街頭四圍都有報紙檔。尤其是茶樓嘅門口。

呢篇零售舖頭文係楔位文。歡迎幫維基百科擴寫佢。