大埔公路雙層巴士失事

出自維基百科,自由嘅百科全書
跳去導覽 跳去搵嘢
事故現場
喺大埔嘅事故悼念活動
九龍巴士872線嘅行車路線

大埔公路雙層巴士失事係一單2018年2月10號喺香港大埔公路大埔尾發生嘅嚴重交通事故[1]。一架九巴872線雙層巴士車速太快翻車[2],上層車頭扯爛,成個「大埔尾」巴士站都砸爛埋,造成19死65傷[3]。呢單車禍係香港開埠以來死人第二多嘅車禍。

30歲男巴士司機陳浩明涉嫌「危險駕駛引致他人死亡」而畀差人當晚拉咗[4],11號被落案控告,13號提堂,申請保釋被拒而還押監房,等候案件喺4月10號再提堂[5]。同年10月10號個司機被改控19項誤殺罪。2020年7月7號被判坐花廳14年兼夾成世停牌。

引發事件[編輯]

事後,有跨黨派立法會議員話意外後第七日嘅2月17號(星期六)啱啱係年初二,係死難者嘅「頭七」[a],要求取消嗰晚嘅香港賀歲煙花匯演行政長官林鄭月娥喺2月12號下晝宣佈,為咗哀悼遇難者同顧及社會大眾情緒,取消呢次煙花匯演。而取消煙花匯演一事獲得贊助機構其士國際集團有限公司支持同配合,慳咗嘅大概100萬港元,就捐畀死傷者家屬。

補救措拖[編輯]

事後又重建巴士站。巴士站原本喺急彎位,重建後加分道,加防撞欄,以防有車直撞巴士站。巴士站亦加猛燈火,夜晚都睇得見。

[編輯]

  1. 有從事殯儀業人士澄清車禍死者「頭七」應該係2月16號年初一[6]

[編輯]

  1. "大埔公路九巴翻側增至十九死 六十三人受傷多人危殆". 無綫新聞. 2018-02-11. 原著喺2018-02-13歸檔. 喺2018-02-11搵到.
  2. "【大埔翻巴士●不斷更新】最新消息!九巴翻車18人死 9男1女送院命危". 蘋果日報. 2018-02-10. 原著喺2018-02-10歸檔. 喺2018-02-11搵到.
  3. "大埔公路九巴車禍一名傷者凌晨不治". 商業電台. 2018-02-11.
  4. "大埔車禍19人亡". 香港政府新聞處 (中文). 喺2018-02-22搵到.
  5. "【大埔翻巴士】車長保釋被拒 或被控更嚴重控罪". Apple Daily 蘋果日報. 原著喺2018-02-14歸檔. 喺2018-02-22搵到.
  6. "大埔翻巴士 殯儀業澄清「頭七」應為年初一". 蘋果日報. 2018-02-13. 原著喺2018-02-13歸檔. 喺2018-02-17搵到.