妾侍，又叫妾，係指正室老婆之外其他地位比較低嘅合法女性配偶。
古時中國社會畀人納妾，所以嗰陣時好多大戶人家都會娶返幾個妾侍。其實古人對妻妾係有明文規定，好似皇帝可以有三夫人九嬪，諸侯一妻八妾，卿大夫一妻二妾，士人一妻一妾。[1]無功名忌庶人就唔可以立妾。
不過中華民國立國之後，確立咗行一夫一妻制，唔畀人納妾，但係嗰時係英國殖民地嘅香港因為行習慣法要守《大清律例》，到1971年正式立法後先至唔畀人納妾。
妾侍唔同姨太。妾侍地位比姨太低微，要同大婆同住，除咗服侍老爺，重要服侍大婆，只係比婢女好少少。姨太忌性質有啲似二奶。
- ↑ 東漢蔡邕《獨斷》：「天子一取十二女，象十二月，三夫人九嬪。諸侯一取九女，象九州，一妻八妾。卿大夫一妻二妾。士一妻一妾。」
