新澳門學社
(由學社前進跳轉過嚟)
新澳門學社係澳門主要社團之一，亦係澳門泛民主派嘅政黨，1992年7月10號成立[1]。新澳門學社亦都同香港泛民主派關係好好，亦多次去拜訪香港泛民主派嘅政黨，第一任理事長係吳國昌，現任做緊理事長係蘇嘉豪。
參選
[編輯]新澳門學社喺1991年12月開始籌組，好快就發展到有一定規模。
1992年10月新澳門學社以民主新澳門嘅名，提名吳國昌等八個人出嚟參加第五屆澳門立法會直選，成功攞到一個議席（吳國昌）返嚟。1993年5月新澳門學社再提名區錦新參加第二屆澳門市政議會選舉，區錦新亦攞到一個議席返嚟。
之後吳國昌喺1996年、2001年同2005年都成功連任，而區錦新喺1997年嘅市政議會選舉入面成功連任。之後亦喺2001年同2005年參加立法會選舉都係成功連任嘅。
2009年，兩個現任議員決定試吓分拆兩組出嚟參選：區錦新就用民主新澳門嘅名去選，而吳國昌就用民主昌澳門嘅名去選。區錦新嗰隊主要係由後生仔組成，吳國昌嗰隊就由成熟政治人組成[2]。結果吳、區兩人，以及民主昌澳門嘅第二候選人陳偉智總共三人出線。
2013年，佢哋都係繼續分拆名單出嚟參選，其中吳國昌、陳偉智就湊成一組用民主昌澳門嚟參選，而區錦新則繼續用民主新澳門嚟參選，至於喺上屆「民主新澳門」入面嘅第二候選人、學社理事長周庭希就自己開多隊自由新澳門出嚟參選。結果三隊互相搶票，諗住有三隊入面有兩隊攞到兩個席位、一隊攞到一席（坐三望五）嘅諗法衰咗，席數又變返之前一樣得兩席。
| 參選年份 | 候選人 |
|---|---|
| 1992年 | 吳國昌、陸偉聰、區錦新、鄭妙珊、湯家耀、吳家寶、卓永生、林少洪 |
| 1996年 | 吳國昌、區錦新、湯家耀、鄒有安、李漫洲、鄭妙珊 |
| 2001年 | 吳國昌、區錦新、江洵美、鄒有良、何長珠、林少洪 |
| 2005年 | 吳國昌、區錦新、陳偉智、朱國權、梁海澤、江洵美 |
| 2009年（民主昌澳門） | 吳國昌、陳偉智、朱國權、梁博文、曾富德、江洵美 |
| 2009年（民主新澳門） | 區錦新、周庭希、吳成芳、陳華強、鄭明軒、鄭妙珊 |
| 2013年（民主昌澳門） | 吳國昌、陳偉智、李國強、張偉傑、李國富、江洵美 |
| 2013年（民主新澳門） | 區錦新、蘇嘉豪、李祥豪、陳樂琪、鄭妙珊、陳偉全 |
| 2013年（自由新澳門） | 周庭希、鄭明軒、楊晚亭、崔子釗、蕭峻峰 |
| 2017年（學社前進） | 蘇嘉豪、陳偉智、李國強、黃健朗、梁家偉 |
阿頭
[編輯]| 職位 | 名 |
|---|---|
| 大會主席 | 朱國權 |
| 大會秘書 | 李壯 |
| 理事長 | 鄭明軒 |
| 副理事長 | |
| 周庭希 | |
| 蘇嘉豪 | |
| 秘書 | 黃健朗 |
| 財政 | 陳偉全 |
| 理事 | |
| 林納麟 | |
| 鄭成 | |
| 梁家偉 | |
| 莫淦倫 | |
| 甘雪玲 | |
| 李國強 | |
| 監事長 | 張樹堅 |
| 監事 | 張穎欣 |
| 陳浩然 |
出書
[編輯]《新澳門》（ISSN 1729-5129），唔定期出版（嗰年冇選舉就出三期），到2012年5月為止加埋印咗五十期。由第31期開始係入面夾多版《愛瞞日報》，以漫畫之類嘅形式暗串時政。
政制發展
[編輯]2007年7月1號，發表咗《澳門特別行政區民主政制發展方案》，提出咗根住落嚟嗰幾點[3]：
- 以提名委員會代替宜家嘅選舉委員會並一步一步咁增加民主成份；
- 一步一步減少立法會間接選舉同委任議席兼且最終要修改《基本法》以去到立法會全面普選；
- 加強立法會嘅監察權力；
- 設返分區直選嘅市政機構；
- 喺諮詢組織引入界別直選。
攷
[編輯]- ↑ （繁體中文）新澳門學社成立典禮相片 互聯網檔案館嘅歸檔，歸檔日期2007年9月27號，.
- ↑ 〈新澳門學社兵分兩路參選 諗住「一加一」攞得四個議席〉。華僑報。2009年6月16日。
- ↑ 〈新澳門學社：澳門特別行政區民主政制發展方案〉。原著喺2008年4月14號歸檔。喺2019年2月12號搵到。