盧斯安奴·巴伐洛堤

盧斯安奴·巴伐洛堤（意大利文：Luciano Pavarotti，1935年 10月12號—2007年 9月6號），係一個意大利男高音，係當代世界受歡迎三大男高音之一，佢唱嘅高音因為好有穿透力，所以有個外號叫「高音C之王」。曾經2002年 6月同杜明高、卡里拉斯喺北京故宮舉行世界三大男高音演唱會。

簡歷

盧斯安奴·巴伐洛堤喺意大利摩德納出世，老豆係一個麵包師父，亞媽喺雪茄廠打工，由於佢老豆鍾意聽男高音，又收集咗好多好紅嘅男高音唱片，喺佢9歲嗰陣又同佢老豆係教堂唱聖詩班，開始學識基本唱歌技巧。

到佢19歲嗰陣，佢喺奧圖曼跟Arrigo Pola學唱歌，後來波拉因為移民咗去日本，佢改為跟艾托雷·康波葛良尼學唱歌，由於佢屋企比較窮，所以嗰陣佢一路學唱歌一路做兼職^[1]。

1961年佢參加喺意大利北Reggio Emilia市政劇院 Teatro Municipale 舉行嘅國際聲樂比賽，最後拎咗個獎。同年又喺同一個劇院主演歌劇《陋室明娟》、《波希米亞人》（La Bohème，又譯做《藝術家嘅生涯》），飾演男主角魯道夫，大受歡迎。

因健康問題，2005年年屆69歲嘅巴伐洛堤舉行咗全球告別演唱會，作為正式退休嘅標誌。2007年因癌死。

呢篇同意大利人相關係楔位文。歡迎幫維基百科擴寫佢。