廣瑜鄧公祠
廣瑜鄧公祠又叫來成堂，喺香港新界元朗區錦田水頭村32號，康熙四十年（1701年）起好，由鄧氏第21代族人鄧像六（別名鄧直見）為咗紀念第17代祖先鄧廣瑜（別名鄧松峰）而起，係錦田北圍三間鄧氏宗祠之一。1782年，鄧氏族人曾經捐錢嚟翻新來成堂。除咗用嚟做祠堂之外，喺1950至60年代曾經改過做商店，到咗70年代尾至80年代初成為咗金屬品製造廠，後來更被荒廢咗，祠堂殘破不堪。1995年政府將廣瑜鄧公祠評為認定古蹟（即具有法定古蹟嘅資格，但未正式受法例保護），更出錢維修。1996年完成翻新工程之後，鄧氏喺元宵前嚟宗祠進行點燈儀式。喺2010年11月12號評為法定古蹟[1]。
建築
[編輯]廣瑜鄧公祠係清代民間嘅建築，係兩進一院三開間式設計，相對規模較細。廂房喺天井兩邊。公祠用青磚同木桁桷修築而起，屋頂用素瓦鋪蓋。屋脊、牆身雕帶同檐板都裝飾有吉祥圖案同雕飾。
參考
[編輯]- ↑ 〈四幢歷史建築列為法定古蹟〉 (香港中文)。info.gov.hk。2010-11-12。喺2010-11-13搵到。
{{cite news}}: Italic or bold markup not allowed in:|publisher=(help)