歌川廣重（1797年—1858年10月12號），日本畫師，江戶人，以浮世繪而聞名。生於江戶寛政九年，卒於江戶安政五年九月初六。本名叫安藤重右衛門，文化九年，拜歌川豐廣為師而得名。流傳本名叫安藤廣重，咁唔妥當，安藤為姓氏，廣重為名號，兩者唔能混用，本人一生都未咁叫過。之後名號有一幽齋廣重、一立齋等。
佢畫作色調以藍至為特別，色料係由歐洲入口，明顯鮮色，同日本傳統所用唔同。畢生作品多不勝數，佢至出名為東海道五十三次，遊歷東海道時畫，名所江戶百景、富士三十六景都好出名。
作畫出名之外，安藤重右衛門承繼其父安藤源右衛門，消火同心之職。
