徐蒨寧

徐蒨寧（Marie Lime，1987年—）係香港女藝人，本職係廣告化妝師，2021年因為做咗ViuTV 最後一屆口罩小姐選舉亞軍而開始幕前演出。

簡歷

徐蒨寧24歲開始做空姐，曾經同劉佩玥（2013年辭工參選香港小姐）做過同事。佢自2017年轉行做廣告化妝師，曾經幫過一啲藝人化妝，包括吳業坤。

2021年徐蒨寧參選ViuTV搞嘅《最後一屆口罩小姐選舉》，代號「阿姨」，係廿強入面年紀最大（33歲）兼唯一已經結婚生仔嘅參賽者。雖然佢嘅素人身份令佢嘅人氣唔及得上一啲有幕前經驗嘅模特兒同KOL參賽者，但最後佢成功以黑馬姿態攞到亞軍。

呢篇同香港藝人相關係楔位文。歡迎幫維基百科擴寫佢。