指標 (電腦科學)

指標（pointer）廣義上係指任何指住另外一件嘢嘅位置嘅值；狹義上，做程式編寫嘅時候講嘅指標通常指指住記憶體入面嘅某件嘢嘅位址。喺高階程式語言，指標係代表某樣嘢嘅位址嘅一類資料類型，好多程式語言都有。視乎語言，｢嘢｣ 可以包括數據、物件、甚至係子程式。

喺概念上，指標同位址係同一樣嘢（低階語言叫位址，高階語言叫指標，因為佢 ｢指｣ 住某件嘢），分別係指標通常帶有類別，例如整數嘅指標同字串嘅指標係唔同類型，通常唔可以溝亂用。

非常高階嘅語言通常唔鼓勵用指標，甚至唔支援指標。

喺相對低階嘅 C 語言，指標同陣列概念模糊，好多情況下兩樣嘢幾乎可以溝亂用。

雖然低階嘅組合語言並冇指標呢種資料類型，但係如果某個位址存放嘅數據係另外一件嘢嘅完整位址，前者都可以叫做指標，呢種用法喺組合語言嘅標籤名都好常見。

睇埋

• 參照