斗杓

北斗七星及九星說明。天樞、天璇、天機、天權為𣁽。玉衡、開陽、搖光為杓。九星加招搖同天鋒。玄戈喺搖光招搖之間。

斗杓，亦稱杓，又稱斗柄，斗可以揸手之位。然而更常指天官北斗後尾三星。其所指方向，有夜空司辰定候之用。黃河流域，北斗恆現於天而旋轉。

北斗七星，天樞、天璇、天機，天權，四星叫做𣁽。玉衡、開陽、搖光，叫做杓。然而亦北斗九星，由搖光向外伸，招搖同天鋒，斗杓又多兩星。說法見於史記天官書，「杓端有兩星，一內為矛，招搖。一外為盾，天鋒。」遠古時兩星恆現於夜天，由於歲差，就唔再現。所以上古所指，所指司辰方向，同後世唔同。晉後天鋒唔再恆現，九星就推說為玄戈同招搖，玄戈介乎搖光同招搖之間。

斗杓帶去大角星，蒼龍之角

史記天官書，「分陰陽，建四時，均五行，移節度，定諸紀，皆系於斗。」可見斗係定時定候，非常重要。而又寫「杓攜龍角，衡殷南斗，魁枕參首。用昏建者杓。」用昏建者杓，日入之後昏，杓所以方向就係定時定候關鍵。而杓指嘅方向，即係「杓攜龍角」。龍角即大角之星，遠古時屬東方蒼龍之角。大角特別光，昏時可見，斗杓順住招搖天鋒，就指向大角。