模組:Citation/CS1/doc

呢個模組已經被評為通用版，佢已經成熟，可正常用喺唔同地方而唔會出現錯處。已經可以喺幫手版同其他維基百科資源入面提及，以幫新用戶學嘢。為降低伺服器負荷同錯誤輸出，改善呢個模組前應該進行沙盤測試，而唔係重複嘅試錯性更改。

概論

《CS1|2》係維基百科引用系統嘅骨幹（法文維基百科除外）。維基百科嘅主要引模基本上都依賴呢堆 Lua 模組，而呢啲引模係通過 VisualEditor 同維基數據等等工具喺唔同維基百科版本之間流通嘅。《CS1|2》呢個名嘅出現係因為曾經有分 CS1 同 CS2 (Citation Style 1/2)，但後來兩批模組合併咗，而家淨係有 CS1。

《CS1|2》系列有八個模組加一張 CSS。更新嘅時候要全組一齊更新：

模組名	本地化備註
Module:Citation/CS1	有本地化，修正用其他方法修正唔到嘅嘢（第xx年版→xx年版；正確處理例如zh-hk、cmn之類嘅語文名）、中文姓名之間唔加逗號、中文參考（如果偵測到）用中文標點同特定嘅中文字眼等等。用「END LOCAL」關鍵字可以搵到。
Module:Citation/CS1/Configuration	有本地化，要譯晒啲訊息字串，但係維修分類名就由佢留返英文。
Module:Citation/CS1/Whitelist	照抄英維
Module:Citation/CS1/Date validation	有本地化，同中維一樣加咗額外程式碼去處理漢字日期格式。用「END LOCAL」關鍵字可以搵到。
Module:Citation/CS1/Identifiers	照抄英維
Module:Citation/CS1/Utilities	有本地化，修正用其他方法修正唔到嘅嘢（中文書名唔用斜體）。用「END LOCAL」關鍵字可以搵到。
Module:Citation/CS1/COinS	照抄英維
Module:Citation/CS1/Suggestions	有少量本地改動（唔算係本地化），用「LOCAL:」關鍵字可以搵到。
Module:Citation/CS1/styles.css	有本地化。用「END LOCAL」關鍵字可以搵到。

由於以下四個模係直接靠 Module:Citation/CS1 生成嘅，而 VisualEditor 同 InternetArchiveBot 又會靠佢哋嘅 TemplateData 嚟自動處理引用內容，所以每次更新嘅時候要更新埋呢四個模嘅 TemplateData：

而家用開嘅版本係2020年3月引入嘅。源碼基本上抄英文；本地化內容方面，日期部分已經喺2022年改咗用同中文版唔同嘅方法處理，其他本地化亦都同中文版無關。

中文模式

呢度本地化咗嘅 CS1 目前有正常同中文兩種模式，由主模組嘅 cjk_mode_p 旗標控制。中文模式目前係由第一個作者名嘅第一個字符或者由書名判斷，睇落似中文（目前準則係人名第一個字或者書名 50% 以上係漢字、假名或者諺文）會自動啟動。中文模式下會盡量轉用中文標點，一啲字眼亦會唔理 Configuration，夾硬（hard code）轉用中文寫法。

2024年9月開始亦接受日文維基百科嘅｢和書｣參數，見到會人手啟動中文模式，唔再係不明參數。