黑鬼

黑鬼係喺廣州話之中一個對黑種人嘅無禮稱呼。

其他叫法

英文

nigger

一張來自1844年英國倫敦嘅海報，寫住: 「Negro Melodies」（黑鬼嘅旋律）。

英文詞「nigger（擬音『暱嘎［粵拼：nik¹ gaa⁴］』）」，係個用來指黑人同黑人後裔，極為惹火嘅詞語。

喺美國等英文國家，如果一個非黑人對一個黑人用「nigger」呢個詞，可能會打交，甚至被人告上法庭。但係黑人同黑人之間，有時會互相叫對方做「nigga」，而「nigga」喺黑人之間使用嘅時候，唔一定有侮辱性。

由於「nigger」呢個詞侮辱性太強，2007年2月28號，紐約市議會通過咗一條動議：喺紐約市範圍內禁止再用呢個詞；同時建議格萊美獎主辦方拒絕對有呢個詞嘅任何作品頒發格萊美獎。

除左唔流行嗰啲音譯詞語，粵語之中並冇語氣強烈到同「nigger」相當嘅詞彙，連去到盡嘅講法死黒鬼都及唔上。