流放

一七九二年，英國普利茅斯女人，送別流放到植物灣。

日本菅原道真流放到太宰府

流放，刑罰一種，趕犯人去第二度，等佢無得返國返家鄉之類。名好多，流刑、放逐、流罪等等。唔一定犯乜罪，有啲人唔受當地歡迎，都有同樣對待。放逐地方，無雷公咁遠，好似邊疆、荒島咁，生活艱苦。古時都好流行，先秦書經就有講舜對四岳有罪，流放竄三字都係趕出去。

「

流共工於幽州、放驩兜於崇山、竄三苗於三危、殛鯀於羽山。

」

古希臘都有類似，西元前五世紀就有講，放逐唔中意嘅人，有時係政敵。英國十八九世紀，就將人送去好遠殖民地。刑期有長有短，有啲終身放逐，就一世無得返屋。而其他，完咗可以返屋企。但有啲根本無錢無能力，就返唔到家鄉。