中洋脊

中洋脊，又叫海嶺，係種海洋上面嘅特殊地形。最早喺大西洋中央附近發現有高大山脈，所以叫中洋脊，而今大西洋中洋脊亦係最出名嘅；後來又喺好多其它海洋中道見到，但唔一定喺正中心。形成嘅岩石多數係玄武岩同輝長岩（兩者成份相同），且越接近中洋脊，岩石越新，噉係因為中洋脊中心係板塊邊緣，不斷有地殼活動形成新岩石，而將舊岩石推向兩邊。若果岩脊頂部高過海平面，就會成為島，如冰島。