清真食品
(由清真食物跳轉過嚟)
清真食品係指符合伊斯蘭教規條，伊斯蘭教徒可以食嘅食物，屠宰牲畜同加工食物必須遵循伊斯蘭教法，唔可以食豬肉，亦唔可以含有任何豬油同豬明膠等廣義豬肉成份嘅食品。
符合「清真」
[編輯]可蘭經中明確提到唔可以食有豬肉、酒、血等等嘅嘢，而所有肉類都一定要係由穆斯林奉阿拉之名屠宰嘅先食得[1]。
宰殺牲畜
[編輯]同猶太教一樣，穆斯林宰殺牲畜之前要祈禱[2]，檢查動物隻眼，確保適合食用，畀水佢哋飲，然之後將動物面向麥加，割斷喉管之後放血。但係，猶太教唔畀肉同埋奶兩溝，伊斯蘭教就無規定。
認證制度
[編輯]有尐國家或者地區因為存在一定數目嘅穆斯林，所以推行食品、藥品同餐飲業認證制度，例如台灣仿照馬來西亞，推行「清真食品認證」同埋「清真餐廳認證」，除咗可以滿足穆斯林嘅飲食需求，亦可以為相關嘅廠商拓展市場[3]。
參考
[編輯]- ↑ 《中國百科之為食走天下》。明報。2011。ISBN 9789888134212。
- ↑ 〈佛教和伊斯蘭教教義之關係：過去、現在和未來〉。2006。｢他例引說穆斯林和佛教徒屠戶在宰殺牲畜時都祈禱被宰殺的牲畜能夠在天園復生。｣
- ↑ 〈清真食品認證 打開新市場〉。經濟日報。2009-12-15。原著喺2009-12-29歸檔。喺2010-06-28搵到。