窩打老戰役（中文又譯滑鐵盧戰役；法文：Bataille de Waterloo；荷蘭文：Slag bij Waterloo；英文：Battle of Waterloo；德文：Schlacht bei Waterloo）係1815年6月18號大英帝國、尼德蘭王國聯同普魯士王國對法蘭西第一帝國喺布魯塞爾南面嘅窩打老（或者譯滑鐵盧）打嘅戰役，係拿破崙戰爭最後一次戰役，最後拿破崙完全輸晒，百日皇朝終結，拿破崙第二次退位。拿破崙打輸咗之後，被流放去到聖海倫娜島，六年後死喺嗰度。
後世會用「滑鐵盧」嚟形容一個人慘敗。
