前趙

前趙，又叫漢趙，係五胡十六國時期由匈奴立嘅其中一國，304年由劉淵立國，329年由劉曜亡國，畀後趙滅。

前趙君主一覽

唔計追尊嗰啲。

廟號	諡號	名	在位時間	年號	簡介
高祖	光文皇帝	劉淵	304年－310年	元熙 永鳳 河瑞	304年自立做大單于。同年十月自稱漢王。308年自稱做皇帝。310年七月過身。
		劉和	310年	河瑞	劉淵大仔。310年繼位。冇耐就想鏟除細佬劉聰，但係反而畀劉聰殺害。
烈宗	昭武皇帝	劉聰	310年－318年	光興 嘉平 建元 麟嘉	311年，派兵攻陷西晉首都洛陽，俘虜咗晉懷帝，呢件事畀後世叫做「永嘉之亂」。316年，晉愍帝投降，被前趙降呢做懷安侯。
	隱皇帝	劉粲	318年	漢昌	劉聰個仔。318年七月繼位，冇耐畀靳準殺害。
		靳準	318年		318年殺咗劉粲自立，自稱「漢天王」。之後劉曜同石勒起兵攻打佢。318年十二月，靳準畀其他人殺咗。
		劉曜	318年－329年	光初	318年十月稱帝。319年將國號改做「趙」，於是後世就將呢個趙國叫做「前趙」。319年十一月石勒自立做趙王，後世叫石勒個趙國做「後趙」。328年十二月（329年1月）後趙俘虜咗劉曜，之後仲殺咗佢。前趙嘅殘餘勢力亦都喺329年被消滅。