火雞
(由火鷄跳轉過嚟)
 | ||||||||||||
|---|---|---|---|---|---|---|---|---|---|---|---|---|
 炫耀緊嘅雄性北美火雞
Meleagris gallopavo | ||||||||||||
| 物種分類 | ||||||||||||
| ||||||||||||
火雞，又叫七面鳥或吐綬雞，係一種原產喺北美洲嘅家禽。火雞體型比一般雞大，可達10公斤以上。根據傳統，美國人會喺感恩節同聖誕節食火雞。
同其他雞形目鳥類相似，乸細隻過公，顏色無咁鮮艷。火雞翼展開可達 1.5 - 1.8 公尺，係當地開放林地最大嘅鳥類，好難同其他種類撈亂。
火雞有兩種，分別係：分佈喺北美洲嘅野生火雞，同分佈喺中美洲嘅眼斑火雞。現代嘅家火雞係由墨西哥嘅原住民馴化當地嘅野生火雞而得來。
史
[編輯]火鷄原產美洲，但英文叫Turkey，同土耳其同名，乃訛傳而來，同另一種鷄搞亂。
孤雌生殖
[編輯]由於鳥類、兩棲類同魚類嘅性別由卵子所攜帶嘅性染色體決定，所以喺某啲特定情況下，有研究指，可以進行孤雌生殖，而火雞喺呢方面嘅能力比較著名。喺缺乏火鷄公嘅情況下，火鷄乸生產嘅未受精卵亦可孵化，而佢所孵出嘅後代通常虛弱，並幾乎都係公[1]。但由於鳥類係高等嘅脊椎動物，生殖細胞特化，缺乏孤雌生殖嘅基礎，上述文獻中嘅情況有待確認同深入研究。
大眾文化
[編輯]喺感恩節，烤火雞肉係必備嘅節慶嘢食。而喺美國嘅白宮就有「赦免火雞」嘅儀式。
《賣火柴嘅細路女》有提到火雞。
圖集
[編輯]-
馴化嘅火雞 -
都會區中間中可以發現野生火雞 -
野火雞 -
野生火雞蛋 -
火雞雕像
