王敦之亂係東晉初年發生嘅一場動亂，喺晉元帝永昌元年（322年）爆發，結束於晉明帝太寧二年（324年）。動亂由出身自琅琊王氏嘅權臣王敦所發動，以誅殺劉隗為名進攻建康，並擊敗咗朝廷軍隊。後自任丞相，誅殺周顗等人，並喺武昌遙控朝廷。晉元帝死後，晉明帝承繼東晉大統，王敦想趁著新帝啱啱繼位，喺佢地位未穩固之時意圖奪位，但晉明帝已做好咗萬全準備去對付王敦。當時王敦亦都患病在身，面對晉明帝嘅大軍所討，更係心有力而力不足，其無法應親自領兵面對，只得由佢兄長王含同佢部下將領錢鳳等領軍同朝廷軍隊作戰，但最終失敗。始作俑者王敦亦喺戰事期間病逝，含恨而終。
