玩具鋼琴

卅七鍵琴

直立式玩具鋼琴

細個玩具鋼琴

玩具鋼琴係一種玩具同鍵盤樂器，形似鋼琴，專畀細蚊玩，一般大細唔過五十厘米，亦叫玩具琴。鋼琴用鋼綫發音，然而玩具就唔係。玩具19世紀中已經有，至初有㪣玻璃發音，又有敲木琴咁。如今唔少用鋼枝、鋼條，或其他五金合金之類，敲擊發音。亦有好多用電子零件發音。

音階抄鋼琴，然而視乎平貴，音域有所收窄，窄到去到一個八度上下多一啲。音準亦然，平嘢未必準。有啲唔配黑鍵，只扮嘢畫上去。音域越廣越貴，亦越大部。

話就畀細蚊玩，亦有啲曲會用玩具鋼琴伴奏，甚至有專門樂曲。