當代奇幻

當代奇幻（contemporary fantasy）係奇幻文學下嘅一個子文類。一個當代奇幻故仔嘅背景都係設於虛構嘅世界（定義上屬奇幻），但個虛構世界同作者身處嘅世界好相似，除咗可能有魔法之外，基本上同現實世界冇乜大分別，而且故仔會出現現實世界嘅地點；當代奇幻出名嘅作品有哈利波特（Harry Potter）－哈利波特背景設於一個虛構版本嘅廿世紀尾英國，呢個英國同現實嘅英國冇乜大分別（而且故仔仲有提及現實英國嘅地點），但就係有魔法同魔法生物嘅存在。