發達 (錢)

發達係廣東話嘅用語，意思係暴發，即係喺短時間裏面變得好有錢咁解。而呢啲突然間得到嘅錢叫做橫財。

呢個係好多人嘅夢想，因為好多嘢都要靠錢去做。而且多數人都係打工，好少會搵得特別多錢。一般人認為可以發到達嘅方法有：

• 中六合彩
• 其他賭博
• 投資，好似買股票 代表人物：巴菲特
• 炒賣，例如炒樓、的士牌、期貨、孖展同窩輪 代表人物：黎汝遠、招友全、鄭躬明
• 搞生意 代表人物：比爾蓋茨‎、曾憲梓、施永青、蔣震
• 承繼遺產
• 走私
• 販毒
• 貪污 代表人物：和珅
• 打劫銀行、金鋪、當鋪、馬會 代表人物：季炳雄、葉繼歡
• 呃人，例如種金

但需要注意嘅係，以上呢啲活動都有唔同程度嘅風險，所以一般人都明白，做呢啲嘢之前應該諗清楚。

其實發達嘅方法可能唔止以上嗰啲，但通常呢類嘢都係比較危險，所以就有富貴險中求呢個講法，但究竟係咪真就可能見仁見智啦。