新東方置地酒店（英文：New Orient Landmark Hotel；葡文：Hotel Novo Oriental Landmark），澳門酒店，喺大堂區，歸新口岸，對住友誼大馬路。酒店二〇〇三年十一月開張，原名澳門法老王酒店，後來改名澳門置地廣場酒店。二〇一八年九月，再改名新東方置地酒店。酒店以埃及法老王來做主題。
酒店有三條街夾住，前面友誼大馬路，東面宋玉生廣場，西面上海街。出咗酒店，東面有條狹長嘅公園帶，由山伸到海邊，由東方拱門、何賢公園同宋玉生公園組成。
酒店本身，樓高廿三層。三樓設有賭場，叫置地娛樂場，原本叫法老王宮殿娛樂場。另外地下、一樓、二樓做商場。
