美高梅 (澳門)
(由美高梅金殿超濠股份有限公司跳轉過嚟)
 | 呢篇文側重咗喺部分見解、事件或爭議。 |
想搵第二個意思嘅話，請睇美高梅 (搞清楚)。美高梅中國控股有限公司（簡稱：美高梅）喺澳門開賭場同酒店，[1]其屬下之美高梅金殿超濠股份有限公司有個當地嘅副賭牌，[2]主要架步為澳門美高梅及美獅美高梅。[3]以上各項嘅主要老世係美高梅國際酒店集團及何超瓊。[4]
爭議
[編輯]涉黑問題焫到美國
[編輯]响二〇一〇年，美國新澤西州賭博控制委員會話，因為何超瓊及其老竇何鴻燊喺澳門同黑社會有密切嘅商業關係，所以美高梅夢幻同佢哋夾份喺澳門做生意唔妥。[5]該委員會要求美高梅夢幻同何家斬纜，否則好快就冇得喺美國新澤西州營運賭場。[6]何氏父女否認涉黑；美高梅夢幻揀繼續喺澳門撈賭，而將佢喺該州嘅相關業務賣走哂。[7]美高梅夢幻喺美國另外幾個州都有開賭……响同年稍後，伊利諾州、密歇根州及密西西比州管賭嘅部門，都表示會理呢個問題。[8]
護衛粗暴對待記者
[編輯]响二〇一五年三月十五號，澳門美高梅舉行某藝術展覽開幕禮，當時有個受邀到場嘅《正報》記者，嘗試走近出席嘅官員採訪時，被酒店護衛粗暴拉扯阻止。[9]翌日，澳門傳媒工作者協會發表聲明批評酒店干預新聞自由，酒店則向傳媒發出道歉通知。再翌日，《正報》刊登涉事記者嘅回應——道歉附帶轉移視線嘅表述，令佢難以接受。[10]
被判負擔賭廳欠債
[編輯]有人將港幣八千萬存入美高梅旗下賭場裏面嘅太陽城貴賓會之後攞唔返，於是走去告太陽城博彩中介一人有限公司及美高梅金殿超濠股份有限公司；單官司响二〇二二年二月打完[註 1]，澳門終審法院裁定兩者都有責任回水；美高梅預料自己要全部揹哂，條數唔止港幣一億一千七百萬[註 2]。[13]形式類似而且重未了結嘅官司有兩單，美高梅已經為此打定輸數。[14]
旁白
[編輯]- ↑ 判決日期為二〇二二年一月廿八號；或者有後續程序，致使去到翌月，件案先至算係了結咗。[11]
- ↑ 判決書原文顯示，原告喺一單案之中同時成功追討港幣六千萬及港幣二千萬兩筆本金，重有佢哋衍生嘅利息；仔細噉睇，官方新聞消息所述嘅「他們在“多金”或“太陽城”的貴賓廳寄存金額由一百萬港元到六千萬港元不等的現金碼後要求取回」，同上者唔算衝突。[12]
拎士
[編輯]參考
[編輯]- ↑ 〈美高梅中國控股有限公司 | MGM CHINA HOLDINGS - 美高梅中國控股有限公司〉。《美高梅中國控股有限公司 | MGM CHINA HOLDINGS》 (英文)。喺2021-07-11搵到。
- ↑ 〈美高梅金殿超濠股份有限公司〉。www.io.gov.mo。喺2021-07-15搵到。
- ↑ 〈美高梅在哪裡? | 澳門美高梅〉。www.mgm.mo。喺2021-07-11搵到。
- ↑ 〈美高梅從何超瓊取得澳業務控制權〉。《BBC News 中文》 (繁體中文)。2011-04-14。喺2022-05-07搵到。
- ↑ 〈〔路透基点〕澳门美高梅金殿欲开展8.5亿美元贷款再融资〉。Reuters (英文)。2010-05-13。喺2022-05-07搵到。
- ↑ 〈何鴻燊被指與黑社會有關 美高梅棄美取澳門〉。《RFI - 法國國際廣播電台》 (繁體中文)。2010-03-19。喺2022-05-07搵到。
- ↑ 〈與何鴻燊女兒合夥美高梅不停被調查〉。《RFI - 法國國際廣播電台》 (繁體中文)。2010-04-03。喺2022-05-07搵到。
- ↑ "UPDATE 3-Illinois launches investigation of MGM Mirage". Reuters (英文). 2010-03-31. 喺2022-05-07搵到.
- ↑ 〈落閘出手阻記者 美高梅認衰但死撐〉。《論盡媒體 AllAboutMacau Media》。2015-03-16。喺2022-05-06搵到。
- ↑ 〈傳協批評美高梅阻礙採訪 - 正報新聞〉。www.chengpou.com.mo。喺2022-05-06搵到。
- ↑ 〈澳門特別行政區法院網站 | 終審法院〉。www.court.gov.mo。喺2022-08-09搵到。
- ↑ 〈澳門特別行政區法院網站 | 新聞消息〉。www.court.gov.mo。喺2022-08-09搵到。
- ↑ https://cn.mgmchinaholdings.com/download/C02282_2021.pdf
- ↑ Newsdesk (2022-03-11)。〈美高梅中國去年蝕38億 捲賭廳存款訴訟須賠2億料追回機會微〉。Allin News (繁體中文)。喺2022-05-07搵到。