荃灣享和街血案係2010年7月22號喺香港荃灣享和街90號18樓發生嘅兩母女兇殺案，疑犯簡家良涉嫌嗰日凌晨喺屋企殺咗阿媽同埋阿妹簡仲榆。事後，簡家良去咗荃灣海濱公園遊蕩同𠝹手，又報警自首，俾差人帶返警署。暫時冇人知單嘢犯案動機係乜，搞邊科。
簡家良案發時15歲，喺保良局李城璧中學讀中三，屋企開「飯飯好」茶餐廳。簡家良以前「品學兼優」，兼做過班長。
單案2010年7月24號星期六嚮荃灣裁判法院首次提堂。
