萬貞兒

萬貞兒（1428年—1487年），跟謚號叫恭肅端順榮靖皇貴妃，通稱萬貴妃，係明憲宗朱見深嘅皇貴妃。佢本嚟係宮女（答應），做朱見深嘅保姆，之後做咗佢嘅寵妃。萬貞兒同吳皇后爭寵，以吳皇后杖打自己做原因，逼朱見深廢皇后。之後萬貞兒生咗皇長子，令佢升做皇貴妃。但因為皇長子好快就死咗，佢對其他妃嬪心狠手辣，逼過其他妃嬪落仔，更殺害朱祐樘（後嚟嘅明孝宗）嘅生母紀淑妃。雖然萬貞兒一直受朱見深專寵，但佢始終都做唔到皇后。