董驃
| 董驃 | |
|---|---|
| 男演員 | |
| 英文名 | Bill Tung |
| 出世 | 1934年3月30號 香港 |
| 死 | 2006年2月22號（71歲） |
| 職業 | 演員、馬評人 |
董驃（Bill Tung，1934年3月30號—2006年2月22號）係出名嘅香港電影電視演員，亦係賽馬專業評述員。
佢原本係叫朱文彪，後尾過繼畀香港賽馬會一個高層先至叫董驃。
生平
[編輯]賽馬
[編輯]董驃出世嗰陣同馬好有淵源。佢係喺跑馬地馬房出世，屋企人係練馬師。後尾佢過繼畀香港賽馬會高層董子賢，結果轉咗個名做董驃。佢細細個就學騎馬，重曾經到外地深造，有幾個練馬師牌。
佢喺1967年加入麗的電視（而家嘅亞洲電視）做賽馬評述員。因為佢風趣幽默，所以好受歡迎，一直留喺亞視講馬，只有好後期先至喺香港電台評述賽馬。佢講嘢好直好大膽，好似1999年香港賽馬會將賽馬轉播權咗畀無綫電視，董驃就鬧香港賽馬會：「叫佢去死啦！亞視做得好哋哋，就轉咗畀無綫做，搞到一塌糊塗。」
電視、電影
[編輯]董驃好後生嗰陣就已經做過演員，當時第一部作品係1947年嘅電影《朱門怨》，之後佢不時有演出，尤其係喺麗的視嗰陣。佢成世人都淨係演亞洲電視劇集，未演過無綫電視劇集。佢重話過自己一世人，絕對唔會打無綫電視工。
董驃最識得演嘅係笑片，好似佢參演過嘅港產片入面都係以笑片最成功。1988年佢主演嘅《富貴逼人》都拍咗好幾輯；而1985年成龍嘅《警察故事》佢都係以搞笑形象出現。呢種演繹風格亦都應用到講馬，所以一啲唔識馬嘅人都會特登轉亞視睇董驃。
晚年
[編輯]喺2000年之後董驃經常有病要入院，2005年更加因為咁要退休，一年後喺聖保祿醫院病逝，享年72歲。
作品
[編輯]電影
[編輯]- 朱門怨（1947年）
- 馬場風暴（1978年）
- 警察故事（1985年）
- 警察故事續集（1988年）
- 南北媽打（1988年）
- 雙肥臨門（1988年）
- 富貴逼人（1988年）
- 富貴再逼人（1989年）
- 富貴再三逼人（1990年）
- 師兄撞鬼（1990年）
- 警察故事3超級警察（1992年）
- 紅番區（1994年）