蘇格蘭蓋爾文

  呢篇文講屬於基爾特語族嘅蘇格蘭蓋爾文。想搵喺蘇格蘭低地通行嘅一種日爾曼語言嘅話，請睇蘇格蘭文。

蘇格蘭蓋爾文

	位於加拿大嘅蘇格蘭蓋爾文地名標誌
中文名	蘇格蘭蓋爾文
蘇格蘭蓋爾文名	Gàidhlig
蘇格蘭蓋爾文發音	[ˈkaːlikʲ]
語言地位	蘇格蘭：地區官方語言 歐洲聯盟：原住民語言
語言譜系	印歐語系 基爾特語族 島嶼語支 北方亞支 蘇格蘭蓋爾文
主管機構	蓋爾文辦公室 （Bòrd na Gàidhlig）

蘇格蘭蓋爾文（蘇格蘭蓋爾文：Gàidhlig），或者叫蘇格蘭蓋爾話，屬於印歐語系基爾特語族，係中古愛爾蘭蓋爾文喺蘇格蘭嘅後裔。2001年英國人口普查顯示：全英國有58652個人識講蘇格蘭蓋爾文。另外喺加拿大大西洋省份亦都有蘇格蘭蓋爾文社區。

名稱

有人會叫「蘇格蘭文」或者「蘇格蘭話」來指「蘇格蘭蓋爾文」，但係咁做係錯嘅。因為「蘇格蘭文」（Scots）指嘅係喺蘇格蘭低地通行嘅一種日爾曼語族語言，同英文可以部份互通；但係「蘇格蘭蓋爾文」指嘅就係一種基爾特語族語言，同英文完全互通唔到。