蘇聯大元帥
蘇聯大元帥（俄文：Генерали́ссимус Сове́тского Сою́за），係蘇聯繼承俄羅斯帝國陸軍嘅傳統，響1945年創立嘅一個軍銜，喺蘇聯軍銜系統入面係最高級，亦都係蘇聯元帥級軍銜入面最高一等。
概況
[編輯]蘇聯大元帥只授係予最高領導人、紅軍最高統帥史太林一個人，表彰佢響第二次世界大戰期間統帥蘇聯紅軍贏咗，但係實際上斯大林係正式接受呢個軍銜。
按照斯大林傳記嘅作者羅伯特·約翰·瑟維斯嘅講法，史太林好後悔接受咗咁樣一個過於自誇嘅軍銜，佢希望邱吉爾唔好叫佢做「大元帥」，而係繼續叫佢做「元帥」[1]。史太林重拒絕將佢嘅軍銜同其他蘇聯元帥嘅軍銜作出任何區別，又同其他蘇聯元帥一樣戴元帥徽章[2]。
不過，雖然史太林無正式接受大元帥嘅軍銜，蘇聯國內外仍然係叫佢做「史太林大元帥」[3][4]。
影響
[編輯]蘇聯授予斯大林大元帥軍銜嘅做法對它嘅鄰國中華人民共和國同朝鮮民主主義人民共和國有好大影響。中華人民共和國大元帥同朝鮮民主主義人民共和國大元帥嘅軍銜徽章樣式都係仿效咗蘇聯大元帥軍銜徽章，而朝鮮人民軍最高司令官金日成亦都被授予朝鮮民主主義人民共和國大元帥嘅軍銜。中華人民共和國響朝鮮戰爭過後嘅1955年實行軍銜制，本來準備仿效蘇聯授予斯大林大元帥軍銜嘅做法，將中華人民共和國大元帥軍銜授予最高統帥毛澤東，但係毛澤東拒絕[5]。
參考
[編輯]- ↑ Service, Robert (2005). Stalin: A Biography (英文). Cambridge: Harvard University Press. pp. p. 548. ISBN 978-0-674-01697-2. 喺2014-04-04搵到.
{{cite book}}:|pages=has extra text (help) - ↑ S. M. Shtemenko (1985). The General Staff in the War Years, Vietnamese version (vol. 2) (越南文). Moscow. pp. pp.587-588.
{{cite book}}:|access-date=requires|url=(help);|pages=has extra text (help) - ↑ 散木 (2013-12-05)。〈毛泽东为何没有出席斯大林的葬礼：心绪很复杂〉 (中文)。人民网。原著喺2020-04-06歸檔。喺2014-04-04搵到。｢由斯大林大元帅所缔造、锻炼并领导着走向胜利的苏联军队的战士们列队在陵墓前走过。｣
- ↑ 文热心 (2013-08-14)。〈毛泽东送礼斯大林——湘绣与名人（一）〉 (中文)。湖南日报。原著喺2014-04-07歸檔。喺2014-04-04搵到。｢至于那幅湘绣斯大林大元帅像，更是“刻意为之”的产物。｣
- ↑ 〈毛泽东拒绝"大元帅"军衔内幕〉 (中文)。凤凰网。喺2014-04-04搵到。｢参照苏联授予斯大林大元帅军衔的做法，我国也准备授予毛泽东大元帅军衔，全国人大已经拿出了授衔意见，大元帅的肩章、礼服业已赶制出来了。｣