蜥蜴

蜥蜴（蜥蜴亞目）係有鱗目爬蟲類動物，有超過六千個品種分佈喺南極洲以外嘅其他大洲，熱帶地方最多，多數都係肉食性，食昆蟲、蚯蚓、蝸牛。

身體結構

蜥蜴通常有四隻腳同外耳，亦都有可以移動的方骨。有啲蜥蜴，好似變色龍，有一條具備抓握力嘅捲纏尾，可以幫佢哋喺植被之間穿梭、爬行。

同其他爬行類動物類似，蜥蜴嘅表皮由角蛋白構成嘅鱗片所覆蓋。呢啲鱗片能夠保護蜥蜴唔俾環境傷害，並避免因蒸發而引致嘅脫水。憑着呢啲特徵，蜥蜴能夠喺地球上最為乾旱嘅沙漠生存落嚟。蜥蜴嘅皮膚乾燥粗糙，隨着生長發育會蛻皮。同每次蛻皮都完整咁蛻甩一整塊皮嘅蛇唔同，蜥蜴蛻皮通常會會一塊塊咁進行。