馬路

馬路嘅古今意義有別；「馬」字所指完全唔同。

過馬路

今

「馬路」一詞之中個「馬」字，係英詞「macadam」音譯「馬卡丹」嘅簡稱。「macadam」嚟自蘇格蘭人約翰•勞登•馬卡丹（John Loudon McAdam）；佢發明咗種起路方法——用唔同大細嘅碎石分層噉舖，中間偏厚，表面平兼闊，又易於排水。响十九世紀末，歐美列強喺中國數城設租界，引入咗呢種技術。後嚟，「馬路」變咗用嚟指由上者改良而成嘅各種汔車用道路之名詞。「馬路」嘅定義依歸，以用途為主；就算所用材料同結構一樣，行人路同單車徑等都唔叫「馬路」。

昔

「馬路」解寬闊平坦可行車馬嘅道路。「馬路」一詞可以追溯至春秋時期，响公元前212年，秦國修建咗條長八百公里，闊三十米嘅秦直道，連接咸陽同邊疆，方便軍隊，尤其是馬車同騎兵，速速通行，去同匈奴打仗。