雙輸

雙輸（no-win）喺博弈論上係指一場博弈嘅參與者有得做選擇，但冇任何一個選擇會令佢得益（淨係喺度揀「邊個選擇可以令損失有咁細得咁細」）。

軟鎖

軟鎖（softlock / unwinnable）：遊戲狀態一種，隻遊戲仲未完，亦冇輕機，但玩家進入咗一個冇可能爆機嘅狀態，搞到佢得返兩個選擇－一係載入一個打前嘅存檔（如果得），一係由頭重新玩過；軟鎖可以係遊戲設計師特登設下整蠱啲玩家嘅，而呢種設計相當有爭議性；另一方面，軟鎖亦有可能係因為遊戲編程做得唔好而發生，例：想像一隻遊戲，其中有一關，玩家一定要過咗嗰關先爆到機，呢一關要同 NPC A 講完嘢之後再同 NPC B 講嘢先有得進入，但個遊戲程式編寫得唔夠嚴密，搞到個玩家原來有可能同 NPC B 講咗嘢先再同 NPC A 講，而且兩段對話都冇得重複－如果有個玩家唔知呢點，走咗去同 NPC B 講嘢先嘅話，隻遊戲就會進入軟鎖狀態。

睇埋

• 雙贏