金屬色
(由銀色跳轉過嚟)
金屬色多數解任何好似平滑金屬表面噉反光嘅顏色，有時包埋常見於金屬表面嘅氧化物嗰啲唔反光嘅顏色。[1]佢哋嘅細緻命名通常會包含「金」、「銀」或「銅」，偶然用到「鐵」。[2]
金色
[編輯]
想搵第二個意思嘅話，請睇金黃。狹義嘅金色用嚟形容帶黃色，鏡式反光嘅嘢，例如純黃金；廣義上，唔反光，淺黃、啡黃或橙黃嘅嘢有時都算。
銀色
[編輯] 想搵第二個意思嘅話，請睇銀灰。狹義嘅銀色用嚟形容唔帶色、帶白色或帶灰色，鏡式反光嘅嘢，例如純白銀；廣義上，唔反光，白色或淺灰色嘅嘢有時都算。
銅色
[編輯] 想搵第二個意思嘅話，請睇銅紅。狹義嘅銅色用嚟形容帶啡紅色，鏡式反光嘅嘢，例如純紅銅；廣義上，唔反光，與此顏色好接近嘅嘢有時都算。
辨異
[編輯]「金」、「銀」、「銅」及「鐵」皆各自解一種金屬元素及與其有關之若干顏色。日常講「金色」或「銀色」時，一般都同時傳遞咗「反光」嘅意思，不過講及「銅色」時，通常要特別提及「炅面」或「啞色」；後者比較常稱作「銅紅色」。高純度嘅金及銀都唔容易變質，而以金或銀做膽嘅常見合金，同非合金者喺外觀上嘅分別唔算大，因此呢兩個字所表達嘅顏色範圍唔廣。[3]高純度嘅銅叫做紅銅，表面頗容易變質，期間會逐漸產生幾種唔同顏色嘅雜質；以銅做膽嘅常見合金有白銅、黃銅及青銅等，其外觀同非合金者嘅迥義，而佢哋雖然喺化學上比較穩定，但係都會慢慢被氧化，顏色一樣係變化多端，由此衍生出「青銅色」及「古銅色」等意思差好遠嘅形容詞。[4]「鐵」幾乎只見於「鐵鏽色」一詞；冇腐化，純度高嘅鐵及以鐵做膽嘅常見合金之外觀，算係「銀色」、「灰色」或「黑色」等，唔叫「鐵色」。
註釋
[編輯]本文每個「反光」皆取其用於閒話時之意思，而唔係佢嘅嚴謹科學定義。
參考
[編輯]- ↑ 〈肉類呈神秘的金屬色〉。《食物安全焦點》 (香港中文)。第134號。食物安全中心。2017年9月。喺2022-10-05搵到。
- ↑ Bella儂儂。〈2021染髮推薦「流金染」！BLACKPINK最愛古銅棕、霧金色、金銅色，周子瑜「這個髮色」還能預防布丁頭〉。《Bella.tw儂儂》 (臺灣中文)。喺2022-10-05搵到。
- ↑ 韩启德、欧阳自远.編 (2014)。《十万个为什么. 16, 航空与航天》 (中國中文) (第6版)。上海：少年儿童出版社。ISBN 7-5324-9285-0。OCLC 913288361。
- ↑ 〈千年锈色耐人寻——古代铜锡铅合金锈蚀谜题〉。《腾讯新闻》 (中國中文)。喺2022-10-05搵到。
