廈門銀行中心（簡化字：厦门银行中心），廈門當地簡稱銀行中心（银行中心）[1]，係中國福建省廈門市嘅一間銀行中心兼寫字樓，喺1999年6月起好，位置喺思明區厦禾路189號。呢間大樓由裕景（廈門）物業開發。滙豐銀行、中國銀行、法國里昂信貸銀行、廈門商業銀行、日本三井物產株式會社駐廈門代表處、泛亞班拿公司、東方海外貨櫃航運（中國）有限公司廈門辦事處、 有利集運（中國）有限公司、羅姆電子（香港）有限公司、鐵行渣華有限公司、廈門東南融通系統工程有限公司同中國石油等卅幾間企業喺嗰間嘢進駐。
