閹人歌手

閹人歌手（意大利話：Castrato）係種男歌手，男仔青春期變聲之前，就俾人閹咗，等佢哋就算大個咗，就保持到細路仔聲。音域有如女高音，女中音或者女低音，甚至音域更高，但係重可以唱到男仔聲。

呢類歌手自細閹咗，青春期缺乏睪丸酮。除咗聲唔會轉之外，軟骨都因為無睪丸酮而唔會變硬。由此肋骨更加軟，經長期訓練，肺氣量大增。尖聲加氣量，令佢哋可以唱得更好聽。

史

古代西亞兩河流域已有呢種歌手。而之後拜占庭亦有呢類歌手。

十六世紀中期，羅馬天主敎廷頒布敎宗敕令，禁止女歌手參加敎堂唱詩班，閹人歌手應運而生。