鼻鼾

打鼻鼾

打鼻鼾係呼吸道結構嘅振動產生嘅聲，由於喺睏覺時呼吸空氣流動受阻。打鼻鼾嘅聲可能好細聲，但係喺某尐情況下可以係響。打鼻鼾又可能係一個跡象，例如睡眠窒息症。

打鼻鼾係因為睏覺時，脷同咽喉肌肉鬆弛，令到呼吸道收窄，空氣過呼吸道時，震動咗軟顎同咽喉嘅軟組織，搞到發出異常聲音。年紀愈大肌肉會鬆弛，人體就越易積聚脂肪，令到打鼻鼾機會更高。習慣用口呼吸，條頸短而粗亦會令呼吸道收窄。