中文資訊交換碼

中文資訊交換碼（Chinese Character Code for Information Interchange, 簡稱CCCII）係一套中文字電腦編碼。編碼同ISO-2022相容，每個中文字有有三卦(byte)，每卦七爻(bit)，可以容納94x94x94咁多個中文字，佢亦可以同其他ISO-2022相容編碼混合來用。係好受圖書館歡迎嘅編碼系統。

史

初時係美國圖書館要同中文書目録輸入電腦，之但係當時美國並無咁嘅標準，所以美國有關組織就向當時中國(中華民國)求助。其實當時國內都一樣無咁嘅系統，亦美國亦有人提議用日本系統，但係日本字為本實在好難接受。所以1980年行政院文化建設委員會就成立國字小組，專門搞呢件事，當時編碼已經考慮埋中文正體字，異體字同埋大陸簡化字，兼埋收入日文字、韓文字。最後寫成中文資訊交換碼，分幾部交畀美國。而美國亦定做國家標準，ANSI/NISO Z39.64，而美國國會圖書館因為見佢可以編晒東亞典藉，就叫佢做East Asia Coded Character (EACC)，即東亞已編碼文字。

雖然呢套系統咁受世界各地圖書館歡迎，但響中華民國無辦推廣來用。因為政冶內鬥，另一部門另定國家標準CNS-11643。但電腦廠商就自定立五大碼(Big5)，大量削減字數以及用埋ISO-2022唔畀用嘅空間，將文字塞入兩掛之內，對日後中文電腦發展影響好大。

編碼

中文資訊交換碼第一版有5139隻字，家下統一嗎都有引用呢個做來源，叫CCCII Level 1。經過擴充，家下有73400隻字。

編碼空間雖然好大，但唔係任意編。佢想做到正體字、異體字同滅筆字係有對應關係，方便轉換。

佢第一個碼係212121₁₆。

212B21₁₆到212F78₁₆係類似中文字，總共331字，包埋部首214字。213021₁₆到216330₁₆係常用國字標準字體表裏面4808隻字。216421₁₆到262543₁₆係其他中文字37615隻字。

資料

國字小組整理中文字期間，掂過好多古籍，好多資料歸納出來，其中一樣係中國文字資料庫(CCDB)，另外重有典籍裹面唔少索引。

轉向統一碼

香港各大學圖書館響2003年由舊有的 CCCII 系統換成統一碼(Unicode) UTF-8格式。

參考

• CCCII碼