駱駝
(由Camel跳轉過嚟)
 | ||||||||||||||
|---|---|---|---|---|---|---|---|---|---|---|---|---|---|---|
 單峯駱駝
 雙峯駱駝
| ||||||||||||||
| 物種分類 | ||||||||||||||
| ||||||||||||||
駱駝或者叫駝，係駱駝科駱駝屬嘅動物，亦係種家畜，以駝峯爲記認。分兩種，一種係西亞種，單峯駱駝，東及中亞種，雙峯駱駝。駱駝以耐旱耐熱而聞名，有名沙漠之舟，往來沙漠之中。
生活喺沙漠邊緣嘅人類早喺公元前3000年開始馴養駱駝，作為役畜，用嚟馱運同騎乘，有好多國家都會倚賴駱駝為生嘅駱駝牧民，甚至有駱駝騎兵。
種類
[編輯]單峯駱駝毛短，主要生活喺北非同西亞、印度等熱帶嘅地域，生活喺沙漠地帶嘅牧民以駱駝奶甚至駱駝血作為食物，目前全世界只有1400萬隻，全部都係家畜。19世紀末澳洲曾經從非洲引入部分單峯駱駝，後嚟由於唔再應用役畜，只係向中東出口，大約有3200隻散落到澳洲沙漠重新野化。
雙峯駱駝毛長，襟凍，春天甩毛，主要生活喺中亞同中國西北、蒙古。大約只有120萬隻，20世紀喺塔克拉瑪干沙漠發現野駱駝，可能係雙峰駱駝嘅祖先，大約有1000隻，中國政府已經將呢一帶劃為野駱駝自然保護區。
