睇Portal:日本/開頭嘅程式碼

{| border="0" cellpadding="2" cellspacing="1" align="left" style="margin-right: 1em"
|[[File:Flag_of_Japan.svg|border|center|240px|日本國旗]]
|[[File:Imperial Seal of Japan.svg|center|150px|日本國徽]]
|-
| colspan="2" align="center" | [[File:Japan-location-cia.png|400px|日本地圖]]
|}

'''日本''' ({{lang-ja|日本}}) 係一個位於[[東亞]]嘅[[島國]]。

喺[[地理]]上，日本東面同南面係[[太平洋]]、西南面對住東海；西北面係同[[朝鮮半島]]相隔嘅[[朝鮮海峽]]；北面係[[日本海]]、而東北面就係同[[俄羅斯]]相隔嘅[[鄂荷次克海]]。日本總共主要由四個島組成：[[本州]]、[[四國]]、[[九州]]、同[[北海道]]；國家總共嘅[[面積]]係{{convert|377,975|km2}}。日本嘅地大部分都係山，所以佢嘅[[農業]]都非常集中喺東面嘅平地嗰度。因為日本近住太平洋，令佢成為[[太平洋火環]]嘅一部分，所以周不時都會發生[[地震]]、[[海嘯]]、同[[火山爆發]]。

喺[[人口]]方面，日本嘅人口總共係1.24億人，喺全世界排第11。日本嘅首都係[[東京]]，淨係包埋周圍嘅[[都會區]]，已經總共有3,800萬人口，係全世界人口最多嘅都會區。日本喺[[日本政區|政區]]上面，分做47個[[都道府縣]]同埋8個傳統地區。

日本嘅歷史最早可以追溯到公元前36,000年嘅[[舊石器時代]]。到8世紀，日本嘅[[平安時代]]成為咗國家嘅盛世時期，除咗冇乜[[打仗]]之外，亦都喺國家嘅[[文化]]上面，特別係日本自己嘅[[神道]][[宗教]]，有好大嘅發展。到12世紀，個國家開始由唔同嘅[[幕府將軍]]、[[大名]]、同[[侍]]去管，開始長差唔多700年嘅[[封建]]社會。到1868年，經過一架[[美國海軍]]船入港之後，日本推動[[明治維新]]，恢復返舊有嘅[[帝制]]，同時亦都開始好快咁[[工業化]]，喺幾十年之內就成為咗工業大國。同一時間，日本嘅社會亦都開始尊崇[[軍國主義]]，令[[大日本軍]]成為強勁嘅軍隊。到1937年，日本經過[[盧溝橋事變]]之後開始入侵[[中華民國大陸時期|中國]]，發動[[第二次中日戰爭]]。到1941年，日本更加[[偷襲珍珠港]]，令[[美國]]加入[[太平洋戰爭]]。到1945年打輸仗之後，[[日本投降]]，跟住曾經短暫由[[二戰同盟國|同盟國]]佔領<!--[[同盟國佔領日本|佔領]]-->。到之後嘅[[冷戰]]時期，日本成為咗[[反共主義陣營|西方陣營]]嘅重要成員，隨住[[經濟發展]]而造咗[[製造業]]嘅主要生產國。不過，日本嘅經濟自從1990年代已經開始衰退，令經濟嘅重心轉移去其他國家度。

喺政治上，日本係一個[[君主立憲制]]嘅[[民主]]國家，同時亦都用[[兩院制]]。日本係喺[[七大工業國組織|G7]]入面唯一喺[[亞洲]]嘅成員國。由於歷史上嘅關係，日本已經喺[[憲法]]上放棄咗個國家宣戰嘅權利，不過亦都維持住一個有力嘅[[日本自衛隊]]作為軍隊。到依家，日本喺[[科技]]同[[科學]]上都作出過重要嘅貢獻。佢嘅文化亦都係世界知名，無論係[[壽司]]定係[[動漫]]都深受大家歡迎。