跳去內容

TED (會議)

出自維基百科，自由嘅百科全書
TED Conferences, LLC　
類型有限公司
開檔1984年
創辦人Richard Saul Wurman 同 Harry Marks [1]
總部地址紐約紐約市 同 英屬哥倫比亞溫哥華

TED（全名︰TED Conferences, LLC。TED 係 Technology、Entertainment 同 design，分別解作科技、娛樂、設計）係一個全球性演講，由私營、非牟利組織 Sapling Foundation 舉辦，口號係「Ideas worth spreading」（值得傳開嘅諗法）[2]。創辦人係 Richard Saul Wurman 同 Harry Marks。

佢喺 1984 年成立，之後喺 1990 年開始舉辦年度會議 [3] 。起初佢哋嘅演講內容圍繞科技同設計，好同矽谷嘅意念相關，但之後演講內容愈嚟愈大，包含而家嘅科學、文化、學術範圍嘅嘢 [4][5]。一般嘅 TED 演講都係 18 分鐘長 [6]。曾經喺 TED 演講嘅人克林頓、研究黑猩猩嘅女科學家珍·古道爾、白高敦、葛培理、比爾蓋茨、Google 創辦人拉里·佩奇同好多諾貝爾獎得主 [7]。

自 2006 年起，講座嘅錄影透過「署名 - 非商業性使用 - 禁止演繹」創作共有版權公開喺 TED.com 畀公眾收睇 [8]。截至 2015 年 2月，有超過 1,900 場演講免費公開[9]。喺 2011 年 6 月，演講錄影總觀看次數突破五億 [10]。至 2012 年 11 月，TED talks 已經有十億人次收睇 [11]。

歷史、源起

[編輯]
Jimmy Wales︰維基百科嘅誕生
克林頓 2007 年喺 TED 演講

TED 係由建築同圖像設計師 Richard Saul Wurman 喺 1984 年構想出嚟，佢留意到科技、娛樂同設計可以融合，而 TED 就有科技、娛樂同設計嘅意思 [12]。第一個 TED 會議由 Harry Marks 同 Wurman 喺同一年籌辦，主題係 Sony 光碟，而蘋果公司嘅電腦亦都首次展出 [13]。演講由數學家 Benoit Mandelbrot 同埋 digerati 社群有影響力嘅人，例如 Nicholas Negroponte 同 Stewart Brand 發表。嗰次活動財政上遇到困難，所以要喺六年後至可以舉辦第二屆會議 [14]。

由 1990 年開始，一班由 TED 人組成嘅社群冒起，佢哋每年齊集加州嘅蒙特利。到咗 2009 年，佢哋因為參加者愈嚟愈多嘅關係搬去加州嘅長灘 [15]。起初，講者都係由 acronym TED 背後嘅專家搵返嚟，但喺九十年代，開始搵埋科學家、哲學家、音樂家、宗教領袖、慈善家同其他好多唔同嘅人 [14]。

管理人 Chris Anderson 2007 年

2000 年，65 歲嘅 Wurman 搵接任人。佢約見新媒體同時係 TED 嘅擁躉 Chris Anderson 商討未來方向。Anderson 嘅英國媒體公司 Future 買咗 TED。2001 年 11 月，Anderson 嘅非牟利嘅組織 Sapling Foundation（信念︰「促進好嘅諗法傳開」）以四百萬英鎊向 Future 收購 TED [16]。2002 年 2 月，Anderson 發表一場 TEDTalk 演講去解釋佢對 TED 會議嘅遠景同埋佢未來作為管理人嘅角色 [17]。Wurman 喺 2002 年嘅會議之後離任。

2006 年，每名出席者嘅開支為 4,400 美元，出席者都只能夠係受邀出席 [18]。會員制喺 2007 年有更改，年費變為 6,000 美元，當中包括會議出席、會訊嘅郵件通知、網絡工具使用、會議光碟。

2014 年會議會場搬到去溫哥華。

TED 現時由唔同嘅收入支持營運，包括出席會議嘅收費、公司贊助、基金支持、牌照申請收入、書籍出版。贊助嘅公司有廣泛，例如係 Google、通用電氣、高盛、可樂公司。贊助公司唔會參與活動嘅創意發展，佢哋亦都禁止上台發表任何嘢，以確保活動獨立進行 [19][20]。

TED 員工有大約 140 人，佢哋喺紐約市同溫哥華嘅總部返工 [21]。

TEDGlobal

[編輯]

2005 年，喺 Anderson 引導之下，加咗一個更國際化嘅姐妹會議，叫 TEDGlobal。佢先後喺英國牛津（2005、2009、2010年）、坦桑尼亞 Arusha（2007年）（嗰次叫 TED 非洲）同埋蘇格蘭愛丁堡（2011、2012、2013年）。2014 年 TED 全球喺里約熱內盧舉行 [22]。另外 TED India 都喺印度邁索爾舉行（2009）。

TED 嘅歐洲負責人兼 TEDGlobal 管理人係瑞士出世嘅 Bruno Giussani [23]。

TED 2011 再次發現驚奇 由 2011 年 2 月 28 日至 2011 年 3 月 4 日喺加州長灘舉行 [24][25]。TED 會議有姐妹會議，叫 TEDGlobal，每年暑假喺英國舉行。2009 年嘅 TEDGlobal 睇唔到嘅事物嘅物質 喺 2009 年 7 月 21-24 日喺英國牛津舉行。2010 年嘅 TEDGlobal（都係喺牛津舉行）嘅主題係而家係好消息；2011 年嗰會議移師至一個位於愛丁堡嘅新地方，並喺 7 月 12-15 日舉行，主題為生命裏面嘅嘢。2012 TEDGlobal 會議關鍵嘅開放心態 喺 7 月 25-29 日喺愛丁堡舉行 [26]。

TED Prize

[編輯]

TED Prize 喺 2005 年開始有。直至到 2010 年，呢個獎每年都會頒畀三個人，每人十萬美元獎金同埋一個「改變世界嘅願望」[27]，每個得獎者需要喺主要嘅年度會議上講出佢哋嘅願望。2010 年開始，TED 改咗輪選機制，只會有一個得獎者，因為 TED 想確保可以盡最大努力去支持得獎者嘅心願。喺 2012 年，該獎項冇頒畀任何人，而係一個當時全球城市化現象嘅概念。2013 年，獎金增加到一百萬美元[28]。

歷屆得獎者

[編輯]
2005 [29] 2006 [30] 2007 [31] 2008 [32] 2009 [33] 2010 [34] 2011 [35] 2012 [36] 2013 [37] 2014 [38] 2015 [39] 2016 [40]
Bono Larry Brilliant 克林頓 Neil Turok Sylvia Earle Jamie Oliver JR City 2.0[41] Sugata Mitra Charmian Gooch[42] David Isay Sarah Parcak
Edward Burtynsky Jehane Noujaim Edward O. Wilson Dave Eggers Jill Tarter
Robert Fischell Cameron Sinclair James Nachtwey Karen Armstrong José Antonio Abreu

TED 會議安排紐約藝術家 Tom Shannon 整一個獎座用嚟送畀所有 TED Prize 贏家。獎座包含 8英寸（20厘米）[convert: %s]%s 直徑長嘅鋁製球型磁浮喺一個胡桃碟上。

TED.com

[編輯]

2005年，Chris Anderson 請咗 June Cohen 做 TED Media 嘅經理。喺2006年6月，鑑於 Cohen 想整一個類似 TED 演講嘅電視節目俾幾間電視台拒絕，一啲挑選咗、獲得最高觀眾評價嘅演講就以共享創意嘅「署名 - 非商業性使用 - 禁止演繹 3.0 版」授權擺喺 TED 嘅網站、YouTube 同 iTunes 度 [43][44]。開頭只係上載咗幾個演講，試下觀眾反應點，跟著嗰年嘅1月，網站上面嘅 TED 影片數目增加到 44 個，收睇超過三百萬次。因為咁成功，TED 決定投入幾十萬美元去影片製作同個網站度 [43]。

2007年4月，由 Method 設計公司設計嘅新嘅 TED.com 開咗。隨後幾年，個網站贏咗好多獎，其中有 Webby Award、iTunes 嘅 ｢全年最佳廣播｣（2006-2010）、Communication Arts 互動獎項嘅 ｢資訊設計獎｣（2007）、OMMA award 嘅 ｢影片分享獎｣（2008）、Web Visionary Award 嘅 ｢技術成就獎｣（2008）、The One Show Interactive 銅獎（2008）、AIGA 年度設計比賽（2009）同 Peabody Award（2012） [45][46][47][48]。

截至2015年6月，有超過二千個 TED talk 上載咗[9]。每星期有五至七個新演講發佈。2009年1月，影片有五千萬人次收睇。2011年6月，收睇人次達到五億 [49]。2012年11月13號，TED 到達十億人次收睇嘅里程碑 [11]。

Chris Anderson 喺2012年3月嘅一個訪問中話：

以前每年都係得 800 人收睇影片，但而家一日都已經有一百萬人網上收睇 TEDTalks。當我哋最初放啲片上網測試反應嗰陣，我哋收到好多冇熱情嘅反應，於是我哋決定從根本着手，務求令我睇落唔似一個會議，而係似真係呼應返「想法值得傳開」，同埋嘗試為 TED 建立一個大型網站。會議仍然係個動力，但個網站可以加強個動力，令諗法可以傳到全世界 [50]。

2012年3月，Netflix 公佈一個串流計劃，計劃裏面會播放第一批總共十六節目，每個節目長兩個鐘，包括由唔同講者講、但相同類別題材嘅 TEDTalks。節目將會開放畀美國、加拿大、拉丁美洲、英國同愛爾蘭嘅訂閱者 [51]。由 Jami Floyd 主持，《TED Talks 紐約》 嘅節目喺2012年3月喺 《NYC Life》 頻道首播 [52]。

公眾翻譯計劃

[編輯]

公眾翻譯計劃（Open Translation Project）喺 2009 年 5 月開始。根據 TED 管理人 Chris Anderson 嘅講法，計劃嘅目的係「[令]全世界 45 億唔識英文嘅人都可以獲得知識」[53]。計劃利用大眾平台去為 TED 、TED-Ed 同 TEDx 演講製作字幕同翻譯字幕（2009 年 5 月以前嘅字幕合作夥伴係 dotSUB，而家改咗做公開代碼翻譯工具嘅 Amara）。起初，300 個影片翻譯由 200 位義務翻譯員譯成 40 種語言 [24]。直至 2015 年 5 月，超過七萬個影片有字幕翻譯，另有 107 種嘅語言可供字幕翻譯，包括正體中文、簡體中文、粵語 [54]，重有 38,173 名義工曾經參與過翻譯 [55]。

計劃令網站全世界嘅訪問人數大增，美國以外嘅瀏覽人次上升 350%，亞洲獲得六倍升幅，南美有超過十倍升幅 [56]。

義務翻譯義工有唔同工具去幫佢哋翻譯，好似 Open Translation Project Wikipedia（簡稱︰OTPedia）[57]、Facebook 支援群組 [58] 同網上影片教學 [59]。

TEDx

[編輯]

TEDx 係獨立舉辦、好似 TED 官方會議一樣嘅活動，通常喺 TED 架構以外舉行。任何人如果想搞 TEDx，都可以向 TED 官方申請免費牌照，同承諾遵守某啲規則 [60]。TEDx 活動都係非牟利，但可能會收取入場費或者有商業贊助以彌補開支 [61]。同樣地，講者唔會獲得任何酬勞。講者唔可以對佢哋所用到或者所準備嘅講稿、材料、物資擁有版權，因為 TED 可能會編輯、修改或者改造佢哋，同埋 TED 有可能會將呢啲嘢根據創作共有版權發佈。

直到 2014 年 1 月，TEDx 演講資料庫收錄咗嚟自超過 130 個國家三萬幾個影片同演講 [62][63]。2013 年 3 月，計嗮 133 個國家，每日有八個 TEDx 活動舉行緊，相比起 2012 年 6 月時每日只得五個 [64][65]。 TEDx 演講包括現場表演，呢啲現場表演都包括喺 TEDx音樂項目裏面 [66]。

2011 年 TED 開展一個叫 TEDx in a Box 嘅計劃，令發展中國家嘅人都可以搞 TEDx 活動。TEDx 開始咗其他嘅 TED 活動，好似 TEDx 青年、TEDx 公司同 TEDx 女性。

2014 年喺菲律賓米沙鄢群島舉行嘅 TEDx 聖卡洛斯大學，係第一個 TEDx 能夠喺六個月之內五次舉辦活動。

華語地區嘅 TEDx 活動

[編輯]
  1. TEDxHongKong
  2. TEDxWanchai
  3. TEDxKowloon
  4. TEDxChaterRoad　(2017年新辦)
  5. TEDxYouth@HongKong
  6. TEDxHSUHK
  7. TEDxCUHK
  8. TEDxLingnanUniversity
  9. TEDxUniversityofMacau
  10. TEDx茨廠街

參考

[編輯]
  1. ↑ Hefferman, Virginia (January 23, 2009). "Confessions of a TED addict". The New York Times. 喺December 20, 2014搵到.
  2. ↑ "TED Talks". PeAndMe.com. 原著喺2015年4月27號歸檔. 喺December 20, 2014搵到.
  3. ↑ "What's the big idea?". The Guardian. July 24, 2005. Retrieved December 20, 2014.
  4. ↑ "TED Talks". Mashable.com. 原著喺2014年12月13號歸檔. 喺December 20, 2014搵到.
  5. ↑ "Here's Why TED and TEDx are Appealing". Forbes. June 19, 2012. Retrieved December 20, 2014.
  6. ↑ "TED-Ed". http://www.uwgearup.org. 原著喺2016年1月2號歸檔. 喺2015年11月22號搵到. {{cite journal}}: External link in |journal= (help)
  7. ↑ "Speakers". TED: Ideas Worth Spreading. TED Conferences, LLC. 喺February 6, 2009搵到.
  8. ↑ "TEDTalks usage policy". TED.com. Retrieved December 20, 2014.
  9. ↑ 9.0 9.1 "TED Talks List". TED. 喺February 1, 2015搵到.
  10. ↑ "TED profile". Mashable.com. June 27, 2011. Retrieved December 20, 2014.
  11. ↑ 11.0 11.1 "TED reaches its billionth video view!". TED Blog. November 13, 2012. Retrieved December 20, 2014.
  12. ↑ "Daniel's world of inspiring people and their ideas". http://www.theheat.my. 19 June 2014. 原著喺2014年7月15號歸檔. 喺2015年11月22號搵到. {{cite journal}}: External link in |journal= (help)
  13. ↑ Cadwalladr, Carole Ted – the ultimate forum for blue-sky thinking 4 July 2010, The Guardian, Retrieved 20-09-2012.
  14. ↑ 14.0 14.1 "About TED: History". 喺2012-09-20搵到.
  15. ↑ Kim, Victoria (January 16, 2008). "Long Beach to host influential TED conference". Los Angeles Times. 喺February 13, 2010搵到.
  16. ↑ Colin Morrison. "Heroes & Villains: TED, Future and NY Daily News". 原著喺2015年12月1號歸檔.
  17. ↑ Chris Anderson. "Chris Anderson: TED's nonprofit transition - Talk Video - TED.com". 喺February 12, 2015搵到.
  18. ↑ "Getting Invited (attendees)". TED: Ideas Worth Spreading. TED Conferences, LLC. 喺February 7, 2009搵到.
  19. ↑ "How TED Works". TED.com. 喺18 May 2015搵到.
  20. ↑ Ochoa, Rosmari. "Technology, Entertainment and Design (TED): A case study on how complimentary on- and off-line approaches can build community and cultivate platformsfor innovation and creativity" (PDF). American University School of Communication. American University. 喺18 May 2015搵到.
  21. ↑ "Who we are - Our organization - About - TED". TED.com. 喺June 19, 2015搵到.
  22. ↑ Past TEDs TED.com
  23. ↑ Cadwalladr, Carole TEDGlobal 2012: 'The more you give away the more you get back', The Guardian, 24 June 2012. Retrieved 2012-12-06.
  24. ↑ 24.0 24.1 TED Conferences (September 13, 2009). "Open-Translation Project Brings Subtitles in 40+ Languages to TED.com". PR Newswire (新聞稿). 原著喺2009年7月9號歸檔. 喺February 13, 2010搵到.
  25. ↑ "Billionaires, astronauts and Middle East activists", The Guardian, 1 March 2011. Retrieved 2011-7-19.
  26. ↑ "TEDGlobal 2012: Radical Openness". 原著喺2015年11月10號歸檔. 喺16 August 2012搵到.
  27. ↑ Bruno Giussani. "Day 2: Dave Eggers and Tutoring, Neil Turok and the next African Einstein, Karen Armstrong and the Charter for Compassion", Huffington Post, February 28, 2008
  28. ↑ TED Prize TED.com
  29. ↑ "TED Prize 2005". TEDPrize.org. 原著喺2008-12-21歸檔. 喺2008-11-30搵到. (primary source)
  30. ↑ "TED Prize 2006". TEDPrize.org. 原著喺2008-12-21歸檔. 喺2008-11-30搵到. (primary source)
  31. ↑ "TED Prize 2007". TEDPrize.org. 原著喺2008-12-21歸檔. 喺2008-11-30搵到. (primary source)
  32. ↑ "TED Prize 2008". TEDPrize.org. 原著喺2010-01-18歸檔. 喺2008-11-30搵到. (primary source)
  33. ↑ "TED Prize 2009". TEDPrize.org. 原著喺2011-12-28歸檔. 喺2008-11-30搵到. (primary source)
  34. ↑ "TED Prize 2010". TEDPrize.org. 原著喺2012-03-16歸檔. 喺2009-12-21搵到. (primary source)
  35. ↑ "TED Prize 2011". TEDPrize.org. 喺2010-10-20搵到. (primary source)
  36. ↑ "TED Prize 2012". TEDPrize.org. 原著喺2012-03-03歸檔. 喺2012-03-01搵到. (primary source)
  37. ↑ "TED Prize 2013". TEDPrize.org. 原著喺2014-02-17歸檔. 喺2013-05-05搵到. (primary source)
  38. ↑ "TED Prize 2014". TEDPrize.org. 喺2014-03-05搵到. (primary source)
  39. ↑ "TED Prize 2015". TEDPrize.org. 喺2015-03-21搵到. (primary source)
  40. ↑ 〈2016 TED Prize 得獎者〉。http://www.ted.com/。喺November 11, 2015搵到。 {{cite web}}: External link in |publisher= (help) (primary source)
  41. ↑ "A gathering place for urban citizens to share innovations and inspire action". City 2.0. 喺12 July 2014搵到.
  42. ↑ "Charmian Gooch: Anti-corruption activist". TED. 喺12 July 2014搵到. Global Witness co-founder Charmian Gooch is the 2014 TED Prize winner. At her NGO she exposes how a global architecture of corruption is woven into the extraction and exploitation of natural resources.
  43. ↑ 43.0 43.1 "Giving Away Information, but Increasing Revenue" The New York Times, 16 April 2007.
  44. ↑ "TED" (YouTube 頻道). YouTube. 喺February 12, 2015搵到.
  45. ↑ "Program 2011 speakers". Stanford University. 歸檔時間2016年6月24號.{{cite web}}: CS1 maint: unfit URL (link)
  46. ↑ Method - Awards 互聯網檔案館嘅歸檔，歸檔日期2013年8月7號，. Method.com
  47. ↑ 71st Annual Peabody Awards, May 2012.
  48. ↑ "TED Review". MacWorld. 2009-12-22. 原著喺2010-10-19歸檔. 喺2009-12-23搵到.
  49. ↑ With 500 Million Views, TED Talks Provide Hope for Intelligent Internet Video Mashable.com, 27 June 2011.
  50. ↑ Coe, Julie (2012年3至4月). "TED's Chris Anderson". Departures. 歸檔時間2014年4月26號.{{cite web}}: CS1 maint: unfit URL (link)
  51. ↑ Savitz, Eric. "Netflix To Stream TED Talks". Forbes.
  52. ↑ "TED TALKS IN NYC –FEATURING WORLD-RENOWNED TALKS FROM TED.COM – PREMIERES ON NYC LIFE". NYC Media. March 15, 2012. 原著喺2012年11月3號歸檔. 喺January 17, 2012搵到.
  53. ↑ "TED Open Translation Project". 喺February 12, 2015搵到.
  54. ↑ "OTP 2014 Annual Report" TED.com, retrieved 22 May 2015.
  55. ↑ "Amara.org TED Team stats" 互聯網檔案館嘅歸檔，歸檔日期2015年11月22號，. Amara.org, retrieved 22 May 2015.
  56. ↑ "At 1-Year Anniversary, TED's Open Translation Project Celebrates More Than 7,000 Completed Translations From 4,000 Volunteers in 75 Languages". TED.com. 喺November 25, 2011搵到.{{cite web}}: CS1 maint: url-status (link)
  57. ↑ [1] Retrieved 22 Nov, 2015.
  58. ↑ "Language Groups" Retrieved 22 Nov, 2015.
  59. ↑ "Portal:Main". 喺February 12, 2015搵到.
  60. ↑ "A Conference Makes Learning Free (and Sexy)" New York Times September 24, 2010.
  61. ↑ TEDx General Rules TED.com, retrieved 22 March 2013.
  62. ↑ "TED - TEDx Events - TEDxTalks". 喺February 12, 2015搵到.
  63. ↑ Mark Fidelman (June 19, 2012). "Here's Why TED and TEDx are So Incredibly Appealing (infographic)". Forbes. 喺February 12, 2015搵到.
  64. ↑ Heller, Nathan Listen and Learn, The New Yorker, 9 July 2012. Retrieved 02-09-2012.
  65. ↑ Tedstaff Graham Hancock and Rupert Sheldrake, a fresh take, TED Blog, 18 March 2013. Retrieved 03-07-2014.
  66. ↑ "About". TEDx Music Project. 喺February 12, 2015搵到.

出面網頁

[編輯]
由「https://zh-yue.wikipedia.org/w/index.php?title=TED_(會議)&oldid=2191664」收