跳去內容

變形金剛

出自維基百科，自由嘅百科全書
(由Transformers跳轉過嚟)
  想搵由Michael Bay執導嘅2007年電影嘅話，請睇變形金剛 (電影)。
  想搵由Michael Bay執導嘅2009年電影嘅話，請睇變形金剛狂派再起。
變形金剛故事入面，博派同狂派大混戰

變形金剛（The Transformers）係一個虛構故事加埋佢相關嘅機械人玩具同卡通片，故事係講一班嚟自斯比頓（Cybertron）行星嘅超機器人生命體分開兩班人，分別係由柯柏文（Optimus Prime）領導，代表正義嘅博派（Autobots），以及由麥加登（Megatron）領導，代表邪惡嘅狂派（Decepticons），呢兩派機械人嘅戰爭故事。佢哋全部都識變身，由一樣好普通嘅嘢，例如一架車、飛機、動物，變成一個具備戰鬥能力嘅機械人，佢哋分為正邪兩派進行大戰。

變形金剛由1984年開始嘅元祖「變形金剛」（後來叫做Transformers: Generation 1）開始，推出卡通同漫畫，最先喺日本同英國大受歡迎，之後推出第二代變形金剛，以及由變形金剛發展出嚟嘅「特種變形勇士」（Beast Wars）都發展出自己嘅獨立系列。而喺2007年同2009年又拍咗套真人版變形金剛。

起源

[編輯]

響1970年，Takara公司由美國孩之寶（Hasbro）度買咗孩之寶嘅 Combat Joe 嘅使用權。由於嗰時日本嘅細路唔鍾意軍人或者士兵之類嘅玩具，所以 Takara 公司將Combat Joe改頭換面，最後變咗「變身改造人」（Henshin Cyborg）系列。響1974年，Takara公司原本希望推出「變身改造人」嘅Playset，但因為成本問題，將「變身改造人」變做「微星小超人」（Microman）。「微星小超人」只不過係一批透明身體，鍍銀腦袋，大概高10厘米郁得嘅公仔。Takara又為微星小超人創造咗一系列嘅漫畫故事。呢個時候嘅「微星小超人」重未識變形，又同機械人無乜關係。

1975年代，Takara推出咗Robotman，係第一部可以變成交通工具嘅機械人，隨後又推出宇宙奇蹟號（Cosmos Countach）。以上兩部機械人都唔係第一部真真正正識變形嘅機械人，只係將一樣嘢拆散再重組。喺1980年，Takara開始將重點擺係變形機械人身上，推出1:60嘅機械人玩具系列戴亞克隆（Diaclone，由Diamond（鑽石）同Cyclone（漩渦）組成）。呢啲機械人都係變成一啲外星交通工具或者堡壘，可動性幾乎係零，並附送迷你人仔駕駛員。

1982年，Takara將戴亞克隆提升到一個新增次，推出咗Car Robots，一啲可以變成現實世界入面嘅交通工具嘅機械人。Car Robots入面第一部推出嘅機械人係以宇宙奇蹟號作為基礎製造出嘅Super Tuning Countach，亦係後嚟變形金剛嘅角色太陽紋（Sunstreaker）嘅玩具原型。戴亞克隆由外星機械完全變做現實世界嘅交通工具，開始推出火車（火車隊（Trainbots）玩具原型）、工程車（工程隊（Constructicons）玩具原型）甚至恐龍（恐龍金剛（Dinobots）玩具原型）等等嘅機械人。1983年，Takara亦希望可以重啟微星小超人，於將微星小超人同Car Robots結合，製造出Micro Change，一啲變形嘅物件，例如槍（麥加登（Megatron）玩具原型）、相機（Reflectors玩具原型）、同當年好流行嘅Cassette機同Cassette帶（音波（Soundwave）、崩波（Rumble)、迷亂（Frenzy）、雷射鷹（Laserbeak）、雷針雀（Buzzsaw）、殘害（Ravage）玩具原型）。

1984年，Takara為咗將玩具賣到美國，同美國嘅孩之寶合作。孩之寶打算好似之前用卡通片推銷He-Man、GI Joe咁，以卡通片形式推銷戴亞克隆同Micro Change。佢哋將標題改成變形金剛（Transformers），起初由漫威漫畫出品，後嚟將卡通劇情交由Sunbow製作，並由日本東映繪製，但亦有小部分由其他公司製作。

微星小超人同舊戴亞克隆亦分別喺1999年同2016年重啟咗。

G1歷史

[編輯]

美版

[編輯]

第一二季

[編輯]

喺1984年，變形金剛動畫正式開播，故事主要都係講博派阻止狂派破壞地球嘅陰謀。雙方冇穿冇爛進入第二季，合體部隊飛行太保、飛車黨、鐵甲衛兵、炮車隊開始蒲頭。

86版大電影

[編輯]

[有待編輯]

拎

[編輯]
由「https://zh-yue.wikipedia.org/w/index.php?title=變形金剛&oldid=1794055」收