曙暮光（Twilight）係指日出之前或者日落之後存在喺大氣層下層嘅陽光：喺就快日出之前或者日落冇耐之後，太陽仲未升起（曙光）或者經已落咗山（暮光），所以地表嘅人唔能夠直接望到太陽；不過太陽同地表成嘅角度唔算太大，大氣層上層仲受到一定量嘅陽光，於是大氣層上層散射受嘅陽光，呢啲被散射嘅陽光有部份會射返落地面，於是由地表嘅人嘅角度睇，就會出現個天未光得嗮、但又唔完全黑暗嘅狀態。
