長征係中國共產黨領導嘅紅軍喺第五次圍剿輸咗畀中國國民黨領導嘅國軍後，佢哋突破封鎖、追剿，經過長時間、遠距離嘅軍事轉移，靠隻脚從中央蘇區行到陝甘蘇區，行軍途中多次同國軍交戰，而中共嘅中央機關亦由中華蘇維埃共和國首都瑞金搬到延安。呢次事件從1934年10月開始，歷時兩年左右。
